| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2012-12-31, 06:30 AM
|
|||
|
|||
هذي علوم حجرة أعيوج لينه واللي حولها عن الربيع.
 يالله صبحهم مسهم بالخير حي الله الغالين من مشرفين وأعضاء وزوار والله لكم وحشه . حبيت أضع بين أيديكم رحلتي المتواضعة وكانت في الأربعاء 13/2/1434هـ من بريدة بعدها توجهنا لقبة وبعدها لحجرة اعيوج لينة والحدقة وماحولها .وكانوا أعضاء الرحلة الأمير إبراهيم ابوحسن – عبدالرحمن ابوفهد – تركي ابوأحمد – ياسر ابوفهد – سلميان ابومحمد – محدثكم الطرس ممدوح وكان بعض الربع ودهم يرحون معنا لكن الظروف تجبر راعيها لان بعضهم مشغول واللي تعبان واللي عنده اختبارات .وانتم عارفين الحرص على الرفقة ونقوتهم مثل قول الشاعر علي بن حمري فل الحجاج وخل عنك الهواجيـس كلـن يمـوت وحاجتـه ماقضاهـا واعلم ترى الدنيا تجارب وتقييـس مالك ومال الخلق تطلـب رضاهـا خلك مع اللي يطلبـون النواميـس وخل النفوس الضايعه فـي غثاهـا لازم محلك فوق روس التضاريـس مثل الصقورالعاليـه فـي سماهـا ولاصارصدرك مثل حرالمحاميـس دعـوه لربـك خـاب منهونساهـا يكفيك من شر الليالـي المعابيـس ويفـرج لنفسـك همها مـع عناهـا واحذر مخاوى صاحب السو وابليس واحذر من الرديان تمشـي معاهـا ومن لااخـذ الدنيا بقيـس وتقييـس يحصد وياخذ زرعها مـن جناهـا يطوى قلبه مثل طـي القراطيـس ويجهل اموره صحها من خطاهـا ولوتطلبه مـن غاليـات النوافيـس والنفـس طماعـه وتتبـع هواهـا ماتاخذ الا اللي كتـب رب بلقيـس وماخـاب عبد طاعـة الله بغـاهـا خلها عليه وخل عنـك الوساويـس يجلي عن النفس الضعيفة شقاهـا وهذي لحظة خروجنا من بريدة  الجو شوي لك عليه تحرك الرمل  وصلنا قبة الحمدلله  بعدها توجهنا للطريق اللي يربط قبة بطريق سامودة حتى وصلنا الدهناء وبعد اختيار المحل تم التوقف وطقينا الخيمة لان الجو ليس صافي وهذولا النشاما الأمير ابوحسن وابوفهد    بعد ترتيب الجلسة وتم تصليح القهوة تفضلو هذا ابوفهد متواضع يقهوينا والأمير فال الحجاج الله يديمها وناسه تفضلو يالنشاما الله يحيكم  وهذي صورة بالقمرا   عقب هذا جاء بقية الربع ابوفهد ياسر وابواحمد تركي وابومحمد وبعد ذلك قمنا الفجرية وجهزنا القهوه والقدوع   ابواحمد يقهوينا من تواضعة الله يجزاه خير    صدتك يابوفهد  وهذا ابواحمد يخبرنا مافي الحلة  صار حنيني سلمت يدينن صلحنه    لطفاً عدم الرد حتى يكتمل الموضوع
|
|
#2
2012-12-31, 06:42 AM
|
|||
|
|||
|
بعد ذلك تم الأنطلاق للحدقة
|
|
#3
2012-12-31, 06:51 AM
|
|||
|
|||
|
الربع وصلو الحمدلله لطفاً عدم الرد حتى يكتمل الموضوع
|
|
#4
2012-12-31, 06:55 AM
|
|||
|
|||
|
شفنا شيء في الفيضة لفت انتباهنا شكل هذه الشلة نايمين وجاهم السيل وخلو اغراضهم يعني هجو بثيابهم وسياراتهم وتشوفون المنام والبصل الصلصة والملح والشاهي الله يعوضهم والحمدلله على السلامة    بعدها ماجازت لنا الأرض قلنا خلونا نتوجه لفياض سالم اللي لم الحدقة قالو قدام  وصلنا وهذي الجلسة لاتباعدون يالربع تعللو معنا الله يحيكم  هذا ابومحمد متواضع زل القهوه وخلاها تقلب البهار وقهوانا الله يرزقه المره الصالحه ومن يقرأ (عاد لاتفرحون تراي ادعي للعزوبية اخاف يزعلن حريمنا)     الأمير خرمان قهوه الله يحفظه وكل مسلم  اقدعو وتقهوو يالربع الله محيكم    هذا ابوفهد معه السبحه يهوجس او انه ينضم قصيدة  ذبحتنا يابومحمد على الخادر  تقهوو يالربع الله محيكم  اليلة قمارية وريحة الربيع ورجالاً شرواكم ياسلام  من قال حليب يالله يمديكم مصلحه ابوفهد عبدالرحمن واللي قهوانا ابومحمد وش التواضع ذبحتونا يالربع  لطفاً عدم الرد حتى يكتمل الموضوع
|
|
#5
2012-12-31, 07:00 AM
|
|||
|
|||
|
قلت يالربع خلون امطرس لكم تراي اتعلم بالطبخ ابطبخلكم مقلوبة   خلص العشاء تفضلو الله يحيكم    عقب المشاوير كل واحد نام بمكانه ههههههههههه وهذا شقت النور الفجرية  القهو جاهزة تفضلو الله محيكم  متواضع ابوفهد ياسر لزم مايصب القهوه الله يرزقه الزوجة الصالحة     هذا الحليب من ايدين ابواحمد تركي الله يجزاه عنا كل خير متواضع قال الحليب على (والله يرزقه الزوجه الصالحة الدعاء خاص للعزاب فقط)  عقب طلوع الشمس منظر الصقيع روعة    تفضلو على الميسور حنيني يحبه قلبك    بعد ذلك تم التوجة لشعيب المسعري  يحقلكم يابوفهد وانت يابواحمد  هذي لحظة دخولنا لشعيب وبوادر خير  لطفاً عدم الرد حتى يكتمل الموضوع
|
|
#6
2012-12-31, 07:03 AM
|
|||
|
|||
|
وهذي خبرا احلا شي شفناها قبل فيضة ام قلبان قلت يالله يمديكم يالربع تجون تشوفون الربيع على طول ماشاء الله صارو عندي ههههههه     وهذي خبرا جميلة بعد   وصلنا لفيضة ام قلبان ولها اسم الناس يسمونها لكن نسيتها ربيعها روعه لكن السيارات داقتها دق ورايح اكثره وشرقي الفيضة توها مانشف وسطيها فيه ربيه لكن زي ماقلت خفيف وغربيها قحط مافيه لماء ولا ربيع لكن النفايات اكثر من الكشاته الله يهديم     هذه الشله اعجبوني الله يجزاهم خير يجمعون نفاياتهم في كيس والله ونعم وكثر من اجناسهم يعني الحمدلله الناس فيها خير واللي يحوسون نوادر     صدناك يالأمير تبخشش ابوفهد ههههههههه  ايمن العافية يابوفهد حكرلنا لحمة حاشي يحبها قلبك سلمة الأيادي       لطفاً عدم الرد حتى يكتمل الموضوع
|
|
#7
2012-12-31, 07:05 AM
|
|||
|
|||
|
تفضلو يالربع الله يحيكم من غير خساره          بعد الغداء تم الأنطلاق لقبة علشان تكون القهوة بالدهناء  وصلنا مفرق قبة  وصلنا الدهناء وتصليح القهوه قبل المغرب وتكون الختامية ارفق يابوفهد على الزين   والله كفو يابومحمد  تقهوو يالنشاما   لحظة خروج القمر  ابشركم الحمدلله وصلنا بريدة  اولاً اشكر الله على اتمام هذا العمل وثانياً اشكركم كل الشكر على مروركم المعطر بالطيب والفل والياسمين واعذورني على التقصير وثالثاً لآتنسون الدعاء لأخواننا السنة في الشام خاصة وفي انحاء العالم عامة والسلام عليكم عليكم ورحمة الله وبركاتة
|
|
#8
2012-12-31, 07:37 AM
|
||||
|
||||
|
وعليكم السلام ورحمة الله
|
|
#9
2012-12-31, 07:59 AM
|
|||
|
|||
|
وعليكم السلام
|
|
|
|
العرض العادي
