كلمة خذها ولاهي بالدروس=السماحه ساس اكرام الرجال

[خيّال]

السلام عليكم جميعا
قصيده تعبر عن نفسها عسى ان تحوز على اعجابكم
وش تقول برجل ياما قد سمح
وعن زلل من غلط ياما قد دمح

انفصد قلبه ولاكنه طمح
يرضي الله في جميعات المجال

الكرم ياللي جهلته بالنفوس
الكرم ماهوب في بذل الفلوس

كلمة خذها ولا هي بالدروس
السماحه ساس اكرام الرجال

ومن جهل بالشعر في فتل البيوت
جاهل ٍبالنقض والمعنى يفوت

وكم بيتٍ صابه اسهوم ويموت
لاكن العاقل يحشم اهل الفعال

ومن يذوق النار شوّش ثم شاش
لو تجي باالطيب ولّع ثم هاش

ولاهتنى بالنوم مع حلو الفراش
وحط حر النار بعيال الحلال

المثل باقي على طول الزمن
للعرب في كل ديره واليمن

لا ظرب وقته ترى ماله ثمن
يختصر للي وقع له في جدال

من يجادل جاهل ٍ ماثمر ابد
زاد همه هم وصبح في كبد

وان نصحته طار باالشفه زبد
وابلش العالم بقيل ٍ ثم قال

كم مادح نية اقوله قدح
لو لقا عيب فرح به ثم ردح

وباللوازم حط راسه وانسدح
ويتهكم بالجزال وبالهزال

والستر تحفظ كلام اللي عطاك
واثق ٍ بك ماعرف طيب ورداك

وكل مخطي يمكن اسبابه خطاك
والطبوع اشكال والعاقل مثال

والغرور اللي مع العالم يدور
ناتج ٍ من داخل احساس الصدور

ومن بدايات الكبر شخص ٍ غرور
جعل مانبلا ولو طلنا الطوال

والوطن له حق اذا قلبك يبيه
كان جوه طاب لك واجب تجيه

خص مكه والمدينه للنبيه
والزياره واجبه في كل حال

طهّر اذنوبك وخلك مستقيم
والنوايا اللي بقلبك بالصميم

وكل شي ٍ في حياتك مايديم
غير فعلن يقبله رب الجلال

الشاعر/خيّــــــّال