هيضني العود

[راع العرض]

[align=CENTER][table1="width:95%;background-image:url('https://www.albrari.com/vb/mwaextraedit2/backgrounds/51.gif');"][cell="filter:;"][align=center]

مساء الخير للجميع عندي قصيدة متواضعة وتعبر عن نفسها
عسى ان تنال اعجابكم

يالله انا طالبك ياعالم النيه = ياشارع الدين كله داخل كتابه
اقول وتقوله الناس الهواويه = الحب لاصاب له مخلوق ماابطابه
وان ماتوليتني وانا ارفع ايديه = فالعبد لو يشتكي للعبد ما ثابه
هيضني العود ببيوتن خصوصيه = قافن تلجلج فوادي عقب غنابه
يابو فهد كان لك عينن شقاويه = فالوضع بيني وبينك صار متشابه
ياما جزعت بلحوني كل عصريه = على وليفن تردى الحظ ماجابه
وياما تعبنا من الروحات والجيه = ياما وياكم وقفنا على بابه
ابو جديلن تعدى ردوفه شويه = يلعب مع هبة النسناس لاومابه
مدعوج الاعيان ورموشه مظليه = ويحق له تستثير العين باعجابه
وليا مشى كنه يحسب خطاويه = ولو مره اللي تنشد ما نطق جابه
ياوجد حالي عليه ولعنبو حيه = مع جور الايام شاب الراس باسبابه
عجزت لا انساه وان مرو بطاريه = اركب على الجيب مدري واتهقوابه
وسلامتكم

[/align][/cell][/table1][/align]

[غانم الضومري]

دعوه لعودك يجينا كل عصريه .. في دكة الشيبان نبي نتلاهــــابه

الله على العود قاضي للرومنسيه .. يحكم بشرع الهوى ما يظلم احبابه

ياراعي العرض سكرت الزكرتيه .. قلوب حمراء عليها سهوم لهـابه

الحر ولع بنا وسط السعوديه .. وانته سهومك كما النيران شبابه

الله يعين ابوفهد على الهواويه .. حطوه قاضي مفرع بين طلابه




تحيتي

[راع العرض]

مشكور اخوي غانم على مرورك ومجارتك لها

تحيتي لك

[فهد الشمري]

راع العرض
صح لسانك وبيض الله وجهك
والله يعطيك العافيه

[الركام]

صح لسانك ياراع العرض
قصيدة رائعة جدا ابدعت فيها

[راع العرض]

مشكورين اخواني الشمري والركام لاهنتم على مروركم اللي نور الصفحة

[رذاذ]

راع العرض .... صح لسانك ...

أبيات جميله جداً وراقت لي كثيراً ...

لاعدمنا تواجدك ...

تقبل مروري

رذاذ

[حـــــارب]

هيضني العود ببيوتن خصوصيه = قافن تلجلج فوادي عقب غنابه
يابو فهد كان لك عينن شقاويه = فالوضع بيني وبينك صار متشابه
ياما جزعت بلحوني كل عصريه = على وليفن تردى الحظ ماجابه


شـــآعرنا حمد
صح لسانك يالنشمي ، رآئعه من روآئعك
تستحق الأشاده بكل جداره

ننتظر جديدك

[راع العرض]

مشكورة اختي رذاذ على مرورك ونورتي صفحتي الله لايهينك

[راع العرض]

مشرفنا الغالي عنيد جهينه مشكور على مرورك العطر وابشر بكل جديد