للنشاما واهل العلوم الغانمه
اتمنى ان تنال على اعجابكم
ياماحـلا المسـرى مـع شـقّـة الـنـور
من قبل خيط الشمس يبدي شعاعـه
مـع رفقـةٍ مافيهـم اللـي بـه قـصـور
ربــعٍ تـربــوا عـالـكـرم والشـجـاعـه
كـل واحــدٍ فيـهـم مـجـرّب ومخـبـور
مـاشـاور الـحـرمـه بـخــوة ربـاعــه
لا جـــا لـــزومٍ مايـصـفـون بـالــدّور
كــل بــذل مجـهـود قــدر استـطـاعـه
أمـيـرهـم يـهـتـم بـالــرّاي والـشــور
دايــم يـــدوّر ويـــن راي الجـمـاعـه
لا صرت عنـده كنـك بعـش عصفـور
مـابـاقـي الا يـوكّـلـك فــــي ذراعــــه
شيل الشوازن والفشق معهم صقور
وحمـام لا صـاروا طـيـورك جـواعـه
موترك جيبٍ خلفـه العفـش مجـرور
يسـوقـه الـلـي خــاف ربــه وطـاعـه
وجمسٍ محمّل ماركـب فيـع مطيـور
هـو منـوة اللـي مـات قلـبـه وبـاعـه
عفـشـك مـكـمّـل فـيــه زلٍ ومـاطــور
وبيتٍ من (القاضـي) جديـدٍ شراعـه
وعــدة المطـبـخ بـيــن قـــزٍ وتـنّــور
وحـوايـج واغــراض فـيـهـا نـفـاعـه
ورز(المهيدب) مـع سكاكيـن وقـدور
واحرص علـى الطبّـاخ كمّـل متاعـه
ونـجـرٍ ومـحـمـاسٍ ودلّـــه ودافـــور
وبــنٍ وتـمـرٍ يـغـري الـلـي شـبـاعـه
تنـزل بـروضٍ تــوّه الـيـوم ممـطـور
والغيم عقـب الشمـس تـم انقشاعـه
الـبــر حـولــك كـلــه ورود وزهـــور
وقـت الربيـع العـشـب زاد ارتفـاعـه
حتى الرمل تشتـم لـه ريحـة عطـور
والـقـاع خـضـرا كــن فيـهـا زراعــه
معك خروفٍ مايبـي ضـرب صاطـور
اذا ذبـحـتـه عـلّـقــه مــــن كــراعــه
احمـس بصيلـه والمعاليـق عالـفـور
مـن طعمـه الجوعـان ياكـل صباعـه
من عقـب هـذا مـا تبـي طـب دكتـور
كانـك مريـضٍ صـار عـنـدك منـاعـه
حنّا بنعمـه بـس تبـي حمـد وشكـور
وحفظ الصلاة الخمس ويّا الجماعـه
مـا تغتنـي لـو تملـك المـال وقصـور
لا صـرت مـا تمـلـك كـنـوز القنـاعـه
الشاعر // ابن شارخ
منقووووووووول
2006-04-17, 02:26 PM
ديوان الشاعر / ابن شارخ
العرض العادي
