يقول من هو با لخلا شب ضوه .............عبد الرحمن بن حمدان الصالحي

[راعي الفرت]

يقول من هو با لخلا شب ضوه = مد البساط ولشقر البن سوى
في صحصح خالي من الناس جوه= ماطبه اللي خلف آدم وحوى
عقب السحاب اللي زعج فيه نوه = أبطى يعله لين عرقه تقوى
ديّم على العشب وتكامل نموه= ساق وتساقى لين روي وتروى
ينعش عبيره يوم اقطّف علوه = بسباس وخزامى وربله وحوى
طيره يغني بالرواح وغدوه = قفر به آثار الزواحف تطوى
لون الفراش بلون عشبه تموه = يقطف زهوره ثم طار يتهوى
عيني لها شوف الطبيعة ظروه = ورجلي معودها على كل دوى
بيني وبين البر صحبة وخوه = يبري جروح بين الأضلاع جوى
أسج ساعة مع ذعاذيع جوه = عن واقع منه الفؤاد يتكوى
الوحدة أفضل من خوي مفوه = يدوخك قال فلان وفلان سوى
وأخير من مجلس عديم المروه = في هرجه إما اغتاب وإلا تبوى

عبد الرحمن الصالحي...........الرس

[براق حائل]

قصيدة رائعة وجزله
صح لسان الشاعر عبدالرحمن الصالحي
يعطيك العافية راعي الفرت

[سنا برقه]

صح لسانك ولسان قايلها

[الليث فهد]

صح لسانك وتسلم ياخوي