رحلتي الى الياقوته سريلانكا .. التقرير الخامس والاخير .. مدينة بنتوته

[ناصر العثمان]

السلام عليكم ورحمة الله وبركاته

مبروك عليكم الشهر المبارك وكل عام وانتم بألف خير


التقرير الاخير لرحلاتنا لسريلانكا ..


بعد ما طلعنا من ديرة البرد والامطار مدينه نوريلا .. اتجهنا إلى قرية هابو تالي الهادئه الي مافيها الا حنا اجانب <<<< هههههههه

صوره وداعيه لبحيره نوريليا




اخليكم مع بعض صور طريق قريه هابو تالي .. واسم الفندق اللي سكنا فيه اولومبس









الصراحه هالقطار وموقعه اعجبني بقوووه وهم القريه وعندهم قطارات وواصل بكل سريلانكا كلها << مالت علينا الي نسمع بقطار الجديد ولا شفناااااه





صيده على السريع لمحمد وهو يتأمل الجبال كل شوي يطق له صوره ..






ولا انصح بزياره هذي القريه لبعدها ووعوره طريقها

بعد ما صحينا اتجهنا لم مدينه بنتوته .. يالبا بنتوته الصراحه رووعه بمعنى الكلمه جلسنا 4 ايام في المنتجع اسمه بنتوته كلب بيتش ..كانها يوم واحد ..



اول ماوصلنا بنتوته وقفنا السواق وصورنا



بعد ما وصلنا للمنتجع جلسنا لان لازم ننتظر المركب عشان ياخذنا له .. المنتجع بوسط جزيره من جهه بحر ومن الجهه المقابله نهر

وحنا نتظر ونشوف هذاك الضب من بعيد يوم وصلنا له طلع مو ضبنا الي كنا نفكر فيه مدري وش اسمه <<<<ههههههه كنه ورل




وهذا الكلب مسوي يتحرش



ام هالشايب يصيد سمك موسع صدر وتلاحظون الي خلفه المنتجع



قصرت وانا انتظر قمت اطقطق على هالسنجاب موسع صدري معه



وبعدها وصل القارب وركبنا معه متجهين للمنتجع



هذي صور الفندق





بعد ماحطينا الاغراض اتجهنا للشاطى كنا متحمسين له بس الصراحه طلع خيااالي .. من هنا بحر وامواج ومن الجهه الاخرى نهر هادئ ..







بعد ماشبعنا من السباحه جاء وقت العشاء



وهذا فيصل واخوه يوسف الصراحه الجلسه معهم ماتنمل والله ونعم الشباب اربع ايام معهم راحت ما حسينا بها من والوناااسه



وهذي نظره من داخل الفندق قبل الغروب



بعد ما اصبحنا اتفقنا حنا والشباب برحله على القاربساعتين في النهر واخليكم مع بعض الصور



هذا محمد الساري



من على اليمين محمد الساري وبندر البلاجي ونايف الساري وانا



وهذي مدخل الغابات نفس اللي نشوفها في الافلام تمساح يمشي وثعبان متلوي على شجره عاااادي :1b:



فله يلبق القارب جنب بيته





وهذا ضب بحري لقيناه يتزز عندنا



ام هالسحليه وش كبرها مو مثل الاوله







طبعا تلاقي الصيادين موقفين قواربهم بجنب النهر يصيدون سمك





والله الصراحه كلها غابات وكل شوي نتلفت اخاف تمسح يطب علينا







قابلونا ذ الاجانب وقعدنا 5 دقايق لضيق الطريق







وهذا الشاطى قريب من المنتجع





في النهر تحصل جميع الهوايات البحريه تزلج وشي واااجد ما صورناها





ها الاجانب صكتهم الشمس وجالسين تحت الشجره يتبردون



اول مارجعنا للفندق تلقاء هالسناجب بكل مكان اكثر من الجرابيع الي عندنا

[ناصر العثمان]

والاجواء على البحر متقلبه شوي حر وشوي برد وشوي مطر كلها في يوم واحد







ام الشباب وسعوا صدرهم بالسباحه والتزلج على الامواج






وهذي الصوره الجماعيه للشباب واخر صوره وداعيه جمعتنا معهم في هالرحله





ام هالصور كل ماقمت من الصباح اشوف الاشجار مزينه ومشتغلين فيها كنت ابي اعرف وشلون سبحان الله يوم رحت للغرفه الا هالقرد الي يطامر بالشجره ويزين في الشجره حقتهم وهنا عرفت كيف يصعد بحبل برجليه



وهذا الصوره كل يوم على الفطور لازم كذا تغثك السناجب لين تعطيها



صور ليليه لي ارجاء المنتجع





واخر صور للمنتجع قبل رحيلنا منه صور غروب



وبعد ما اصبحنا توجهنا لفندق هليتون بكولمبو وهذي صوره للغروب من النافذه
واخر صوره لرحلتنا الى سريلانكا




وفي النهايه اتمنى ان يكون التقرير نال على اعجابكم
وراح اجاوب على اسئلتكم اللي ما قدرت ارد عليها وانا في سريلانكا اذا رجعت للسعوديه مع
بعض نتائج التصوير في الرحله
مده الرحله 14 يوم مرينا بالزين والشيين انتظرو التقرير الخاص بنتائج الرحله

تحياتي لكم

اقوووول وزو لي شوي سنبوسه ان شاء الله الليله عندكم

اخوانكم
ناصر العثمان
محمد البرغش

[ابوشعيل97]

بصراحه صور حلوه وتقرير رائع
والاجمل التعليقات على الصور لأيضاح كل مايتعلق
بالسفر والله يوفقكم جميعاً

[الشيخ]

طريقتك بعرض التقرير رائعه وشامله

وتشعر القارئ بانه مسافر معكم

اسلوبك ابداااع في الطرح وجميل جدا جدا

ربي يوفقكم في دنيا واخره ويسعدكم اين ما تكونون

جزاكم الله خير

[محمد النجيبان]

ماشاء الله تبارك الله
ابداع في ابداع
تقرير من اجمل التقارير
وصف رائع وطبيعة خلابة وصور ساحرة

[محمد السهلي]

الحمد لله على السلامة

ولاتعبتو


سلمت على التقرير

[مخاوي الذئب]

موضوع اكثر من رائع وتصوير محترف ماقول الاالله يوفقكم ويسعدكم وعليكم بالسعادة الدائمة .

[altargay]

الله يسلمكم على هالتقرير المميز واللي اكثر من رائع من حيث التفاصيل و الجوده في التصوير والتعليقات اللي في محلها والتنقلات من هنا وهناك
المهم الحمدلله على سلامتكم وسلامة الاسفار
ملاحظه : التقرير الثاني ما شفناه ( عسى المانع خير )
الطرقي

[الشمالي]

ماشاء الله تبارك الله
ابداع في ابداع
تقرير من اجمل التقارير

[الاطلسي]

الله يعطيك العافيه والحمدلله على السلامه

بيض الله وجهك على التقرير