قصيدة الشاعر ناصرالاحمدي

[الشايب]

بسم الله الرحمن الرحيم

يقول الشاعر :
ناصر بن مصلح الاحمدي

بالله ودوا الخبر يلي تودونه = للغالي اللي بطاشا شيّد انزاله

للاحمدي بعد الخيف تلقونه = مزهب الدله وراس الضلع متكاله

وسلم على اللي اهل الجود يلفونه = معروف ابوه وجده وعمه وخاله

ناس تعاف الردى والطيب يشرونه = ولاصكت البقعاء بالميدان خيّاله

الاحمدي له الطولات مصيونه = كريم والضيف عنده طاب مقياله

الاحمدي سود الليالي مايهمونه = ولاينقفل بابه دون الضيف بقفاله

الاحمدي لاجالت العسره تشوفونه = فارس ومن قوم للبلجيك نقّاله

الاحمدي ماضنيت تنسونه = بين العرب زايد كيله ومكياله

ربعه تحبه وعدوانه يهابونه = والصدق في منطقه والضل بضلاله

عزيز نفس كل الناس يخبرونه = علي النقاء مايعرف الخبث واشكاله

جنبيته بكرام الضيف مسنونه = كفو(ن)تطابق افعاله مع اقواله

كل المراجل براسه تحفظ ظنونه = تاج المعالي على مجد الشرف ناله

وله بالمراجل قصر وبيت يبنونه = ولايجحده غير قليل الحيل والحاله

قدره رفيع عند ربع(ن) يعرفونه = ولايقبل الهين ولا يقدم له اسباله

انشدك يارب(ن)كل الخلق يدعونه = ياواحد(ن) ندعيه خوف وقدر واجلاله

الاحمدي تحميه وتكون في عونه = وتجعل حياته في سعد هو وعياله

هذه القصيده للشاعر
ناصر بن مصلح الاحمدي

تحياتي