كرهت الليل

[غريب ابوشوق]

بسم الله الرحمن الرحيم
السلام عليكم ورحمة الله وبركاته

كرهت الليل

على صدر الخيال أرمي طموحي وأتبع الغاوين
....... وعلى وجـه الليالي بسـمـتي بالخوف مقـتـولــه

أعيش العمر لأجل ابكي وإلا يا حسرتي تدرين
.......أنـا وإيـاك وجـروح الـزمـن والـلـيـل يـاطـولـه

تعبت وتعبت أحلامي وضاع من السنين سنين
.........وانـا مـازلـت أفـكـر بـالأمـل وأيـام مـجـهـولـه

سراب الوقت يغريني وأنا ادري فيه زين وشين
.......حـرمـت الـعـيـن مـن شـيٍٍٍٍ تبيه وخطوتي حولـه

كـرهـت الليـل وأفكـاره ونـاسٍ بالهـوى سالـيـن
........بـكيت وفاضت أمـواج الدموع بعـين مـذهـولـه

شربت المـر من كـاس الحبيب وقلت له بعديـن
........أنا تـوي عـرفـت اللـي يـبـي قـلبـي ولا اطـولـه

سرقت القلب من بين الضلوع ورحت مدري وين
........تـراقـبـك الـعـيـون وغلـطـتـك ما هـيـب مقـبـولـه

تعال اسمع حنين القـلـب وافهم وش تقـول العـيـن
........تـرى روحـي بـعـد فـرقـاك بالحرمـان معـزولـه

يـمـر الحـلـم زولـك والمشاعـر فالعـيـون تبـيـن
.......تـلـفـت وابـتـسـم يا زيـن خـل الـصـد وشــولــه

احـبـك إيـه احـبـك لا تـفـكـر بالـغـلا يـازيـــن
........أنـا فـي خـاطـري شـيٍ كـثـيـر وماقـدر أقولـه

@@@المشراق واصل السلام@@@