سلام يا قايد جيوش السعودي

[عبدالمحسن الرحمه]

بسم الله الرحمن الرحيم

(( سلام ياقائد ))

هزت شعوري كارثة حرب جازان =وأنهل دمعي وأصبح الفكر حيران

من شلةٍ قاموا بغزوا البلادي =قاموا بهتك أرواح شيبٍ وشبان
لاكن دواهم جيش مايعرف الموت =جيش سعودي صامدٍ بكل ميدان
هدّوا جميع أركان جيش العداوه =وخلوا جميع الخلق ترفع لهم شان
الله عليكم ياجيوش المهمات =تستاهلون الخير يأعزّ الإخوان
أنتم لنا درعٍ على كل ناوي =شرٍ على دار الحرمين عدوان
لنا الفخر بوجودكم يالنشاما =في بلادنا نبدي لكم كل عرفان
الجيش بإيمانه يهز الجبالي =والجيش مايرحم من الناس شيطان
والجيش بأصراره يفوق التحدي =وبأذن الولي الجيش فايز وكسبان
سلام ياقايد جيوش السعودي =خالد ولد سلطان يانسل حوران
محنكٍ فاهم دروب المعارك =من واجهه بالحيل خاسر وندمان
توجيه أبو متعب ينور طريقه =زعيمنا هو فخرنا كل الأزمان
قاد السعوديه لدرب المعالي =ثمٍ حماها يوم حقد العداء بان
سلطان غايب ياجماعه له أشهر =دعواتكم يشفي لنا اليوم سلطان
تنفق يمينه ماتعلم شماله =ندعوا عسى ربي يجازيه بحسان
والنايب الثاني تنومس فعوله =نايف ليا عدّو طويلين الأيمان
حل المشاكل كلها في بلادي =واللي يريد الشر خايب وخسران
نايب وزير الداخليه محمد =خلص على الإرهاب وخطط بالإتقان
سلمان قاد العاصمه للتطور =قولوا معي يأهل الوفى عاش سلمان

وختامها عاشت بلادي بلادي =هي عزنا هي فخرنا كل الأحيان

شعر/حطبه عبدالمحس العمر