معلومات عن سهيل والوسم وغيره

عاشق الرياح · 2009-08-22, 03:02 PM

السلام عليكم ورحمة لله وبركاته

للي حاب يعرف متى يدخل سهيل ومتى ينتهي ومتى يدخل الوسم ومتى ينتهي

ومتى تتجه السحب للشرق بالنسبه للشرقيه وغيره

سهيل

سهيل يدخل بعد الغد الاثنين الجاي بتاريخ 24-8 م وينتهي بتاريخ 14-10 م

عدد الايام : 52 يوم

الملاحظات : سهيل مثل مانعرف اذا طلع سهيل ابشر بالسيل هذا بأذن لله سبحانه
وسهيل تنخفض فيه الحراره اكثر من هطول الامطار هذا بالنسبه لنا يأهل الشرقيه هذا الي انا اشوفه ولله اعلم وفي اخره اذا باقي منه 14 او اكثر او اقل بأيام معدوده يتجه السحاب للشرق يأتي من الغرب هذا ولله اعلم

الوسم

يدخل الوسم بتاريخ 15-10 م وينتهي بتاريخ 5-12 م

عدد الايام : 52 يوم

الملاحظات : الوسم موسم الامطار بأذن لله سبحانه يتغيرالجو فيه ويكون رطب وبارد وتكثر السحب فيه والبروده لاتكون شديده فيه والحراره لا تذكر وهذا مايعطي فرصه اكبر لهطول الامطار مع تحرك السحب من الغرب الي الشرق ومع الرياح الجالبه للأمطار وهذا بأذن من لله سبحانه

هذا ولله اعلم

حبيت افيدكم بالي مهم عند الجميع
وانا عارف ان اكثركم عارف الاشياء هذي لكن فيه غيركم من الاخوان مايعرف شي عن الاشياء هذي وحبيت اذكرها لكم
هذي مني المعلومات شخصيا من عاشق الرياح لمنتدى البراري والاعضاء الي فيه الغالين علي قلبي

ومبارك عليكم الشهر وكل عام وانتم بخير ان شاء لله