رحلة العيد إلى حائل (متحف النايف في جبة )

[التميمي]

السلام عليكم ورحمة الله وبركاته
الرحله سريع سريع يومين الى حائل وجبه والرديفه وكان الرحله ثاني ايام العيد والعوده يوم الخميس الانطلاقه من شقراء الى المجمعه الارطاويه ام الجماجم ومن عند محطة البطيحانيه الى ام عشر ساموده ولينه وعند لينه والوقت الساعه التاسعه مساء بدات البروق على نفود الي يودي لحائل وتوجهنا مع النفود ويوم وصلنا تربه كانت تربه منقعه الشوارع وواصلنا على حائل وعند وصلونا بحائل كان هناك رش مطر والنوم بحائل وفي الصباح التوجه الى جبه قريه رائعه تسعين كيلوا عن حائل

صباح الاربعاء في حائل طريق جبة

[التميمي]

[التميمي]

الخروج من جبة والتوجه الى النفود طريق الرديفه الجوف







النفود ممطور ولله الحمد
وهذا واضح من فرحة الشباب

[التميمي]

العوده عن طريق القصيم ثم ام حزم ثم المستوي والغداء في الخويش الشمالي

[راعي ال 8100]

مشكور اخوي التميمي عالصور الروعه

والمتحف مشاء الله رائع

وانا جلست مع صاحب المتحف واقترحت عليه انه يحط حاجز بين الاثار والناس اللي تتفرج


لان سرقتها مايبيله شي وبالذات ان مافيه الا عامل واحد وهو الباكستاني اللي عند الباب

[مخايل البروق]

متحف يستحق الزيارة

وخصوصا انه بحائل

لكن هل الدخول مجاني ام برسوم

[التميمي]

مشكورين على المرور والتعليق مكتوب لوحة الدخول بعشرين لكن استقبلنا راعي المتحف وقهوانا وسواليف ولا طلب شي الظاهر ان الرسوم على الخواجات والاجانب لانه يزوره عدد غير طبيعي من الاجانب

[مهرج]

عز الله ماقصرت يالتميمي زيارتك هذي ماتقر بثمن
وتصوير ولا احلى بارك الله فيك

[ابو بندر]

يا سلام عليك اخوي التميمي

شغل عدل ولا به كلام

شكرا على هذا التقرير

[بن سليمان]

الله يعافيك على هذا الشرح وهذي الصور

رحلة موفقه اخوي التميمي

الله يسلمك اخوي