الحب ماهو ثوب يشرى من السـوق!

[احساس انسان]

عقب البطا تنشد عن الحال ياشـوق
انت اللذي عقب البطا ويش جابك ؟!
*
راحت ثلاث سنين ماشافـك المـوق
واليوم اشوفك جيت تنقل صوابك !!
*
تقول قلبي من عنا البعـد محـروق
واقول ماصدقت انسـى عذابـك !!
*
الحب ماهو ثوب يشرى من السـوق
لاطقـة براسـك تبـدّل ثيابـك !!
*
كنت بعيونـي مايساويـك مخلـوق
وكل الطرق كانت تؤدي البابـك !!
*
وياما بعد سخرتلـك كـل طـاروق
وجمعتلك احلى الدرر في كتابـك !!
*
واليوم مالـك لا مشاريـه وحقـوق
وابيك تبكي دم من حـر مابـك !!
*
لاقلـت مابيلـك غـلا قلتلـي روق
واقولّك فـارق وكمّـل غيابـك !!
*
اذيتني بالشوق العـن ابـو الشـوق
ليتك على وجهك ولا الشوق جابك ؟!

[الذعذاع]

سوااااالف
ذوووووق رااااقي جدا
لاعدمنااااااااااااااك

[احساس انسان]

شاكره لك مرورك العطر...

[ابو طلال الفيفي]

الحب ماهو ثوب يشرى من السـوق
لاطقـة براسـك تبـدّل ثيابـك !!
****************

انتقاء جميل

سلمت يداك

[فهد النايف]

قصيدة في غاية الجمال والإبداع

[احساس انسان]

الاجمل منها تواجدكم احبتي

لاخلا ولاعدم

[راع الزلفي]

واليوم مالك لا مشاريه وحقوق
وابيك تبكي دم من حرّ مابك !!
لاقلت مابيلك غلا قلت لي روق
واقول لك فارق وكمِّل غيابك !!
أذيتني بالشوق يالعن ابو الشوق
ليتك على وجهك ولا الشوق جابك ؟!

صح لسان القائل ولسان الناقل..
مشكووورة ولو ان نهايتها قاسية مرررهـ

[الركام]

صح لسانك على النقل ومشكور