| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2011-03-16, 11:53 PM
|
||||
|
||||
السهل القاعد الجفر اللحيانية واجواء شتويه
بسم الله الرحمن الرحيم اسعد الله اوقاتكم احبتي اطرح بين ايديكم رحلة شتويه وكانت في منتصف المربعانية لهذا العام وكانت بصحبت استاذي واخي وزميلي الفاضل ساري 15 وكانت الوجهه الى النفود الكبير وكان الهدف من الرحلة تتبع الحيا ولعلنا نوافق الصقيع على النفود ولله الحمد كانت الرحله موفقه وجميله والاهم انها هادئه والسبب واضح لاننا 2 بس... على العموم ماراح اطول عليكم وراح اعلق على كل صوره تعليق بسيط ويمكن تعليق واحد على اكثر من صوره كانت الانطلاقه من البكيرية باتجاه قبه ولله الحمد وافقنا شعيب السهل وفيه نقع عقب سيل طيب  بعدها توجهنا لبقعاء مرورا بسامودة لينه تربة بقعاء الخطه القاعد وهذي لقطه للقاعد خلف النفود والارض ممطوره والكشاته مستانسين  بعدها توجهنا للخطه وم الخطه للجفر وكان الطريق للجفر ضيق والكشاته واجد والشباب مراقى بمراقى ويحق لهم الارض ممطوره والجو روعه ويازين نفوسهم هل الشمال  ولا انسى اننا مرينا على عبدالكريم عاد عبدالكريم هذا سالفه لحاله راعي سوداني والحق يقال انه كريم حيل والسر ورا كرمه اكيد كرم كفيله وهو نفسه طيبه وكفيله اطيب نفس بعد لاننا في رحله ثانيه صادفنا صاحب الحلال وكان وجه مبارك القصد من الكلام انك اول ماتاصل حول عبدالكريم يستقبلك بهكا الغذاره المليانه حليب وحليب ولا اطيب دواء من جد ككلنا دربنا وليقنا النود ممطور حيل والصوره تحكي  تمشينا بهالنفود الي يشرح الصدر ويوسع الخاطر والحمد لله الارض زينه وريح الندى والرطوبه لا يوصف قطعنا مسافه في النفود وبعدها اخترنا مكان التبيته وهذي شبتنا وهذ الغالي ابو عبود (ساري 15)  وطبعا الحميمات على النار وبقدر عادي رايق يابو عبود رايق يلهي نفسه يدور اقمار ههههههه  كانت لليله بارده بس خبركم النفود غضا ومالي الارض وكل غضاة تقول خذني انا تعشينا وامرحنا وكانت نومه ولا احلى ويم اصبحنا وقبل طلوع الشمس بساعه او اكثر واذا الجو ...  صقيع صقيع صقيع والاخ يشخص قايل لكم رايق  درجه الحراره ice  داخل الموتر  منظر النفود والشروق والندى والصقيع امممممممممم  ولكم كم صوره منظر الطعوس والسيوف بياض ياسلام     وهذا ضيف بس للاسف مات قبل يعرف عن نفسه  وهذي كوره جمعتها من تندة الموتر وفي راس ابوعبوووود  وااااسف على الاطاله وكنت اتمنى انزل الموضوع بوقته بس كثرة الطلعات من فضل الله محبكم .... بن غضيان  طبعا هالغضاة سميتها ام الغضاء وانتظرو الرحلة الثانيه والثالثه نقذه ورطيان عذفاء خوعاء اللحيانية قيصومة فيحان والخير جااااي واستودعكم الله على امل لقاء قريب
|
|
#2
2011-03-17, 08:22 PM
|
|||
|
|||
|
ماشاء الله تبارك الرحمن رحله موفقه تقرير رائع ومميز بارك الله فيك
|
|
#3
2011-03-18, 06:45 AM
|
|||
|
|||
|
ما شااااء الله تبااارك الله
|
|
#4
2011-03-18, 12:00 PM
|
|||
|
|||
|
شكرا
|
|
#5
2011-03-18, 01:13 PM
|
||||
|
||||
|
خوش رحله بيض الله وجهك
|
|
#6
2011-03-18, 01:30 PM
|
|||
|
|||
|
[quote=هنا القريات;1219890]شكرا
|
|
#8
2011-03-18, 03:25 PM
|
||||
|
||||
|
ماشاء الله تبارك الله
|
|
#9
2011-03-18, 07:51 PM
|
||||
|
||||
|
اقتباس:
|
|
#10
2011-03-18, 08:03 PM
|
||||
|
||||
|
اقتباس:
مرورك يشرفني ويعطيني دافع كبير وان شاء الله نبيض الوجه
|
|
|
|
العرض العادي
