يانجد جعل مروّح الغيث يسقيك >> بداية الوسم

[T h a m e r]

الاربعاء 16 /10 / 2013 م الموافق 11/ 12 / 1434هـ


بداية نوء الوسم وتظهر فيه النجوم التالية ( منزلة العواء .منزلة السماك .منزلة الغفر . منزلة الزبانا .) مدته 53 يوم

أسأل الله أن يغيثنا غيثاً هنيئاً سحاً طبقاً عاماً نافعاً غير ضار عاجلاً غير آجل تحيي به البلاد والعباد

اللهم اجعله موسم خيرٍ وامطارٍ وبركة

جانا الوسم يختال والديره غدت مثـل العـروس *** باكر تبي تلبـس مـن ازهـار الربيـع اثيابهـا
نبي نشوف رياضها اللي تاخذ العقـل وتحـوس *** يرقص نفلهـا مـع خزامهـا وتفـز اعشابهـا
الله لا قامـت تفـل الخيـط مثـل العيطمـوس *** يا كثر من ينشـد عليهـا ويـا كثـر خطابهـا
يا صاحبي والوقت يسرقنا وتشغلنـا الهجـوس *** دور لنا من اصحابنا اللي ما تخـون اصحابهـا
نبي نعيد الذكريـات بزحمـة الوقـت العبـوس *** يـوم النوايـا البيـض تفتـح للقلـوب ابوابهـا
خل ننسف الدنيا ورانـا والمشاكـل والفلـوس *** ليـن انتناسـا همـوم دنيانـا وننسـى اتعابهـا
تل الدبل يا صاحبي تلـه ودوس الـدرب دوس *** جبها على مـا نشتهـي والنـار مـن شبابهـا
نبـي نـدوج بالفيافـي والخمايـل والطعـوس *** والارض غـدران وريضـان تفـوح اطيابهـا
نشرب من انفاس السحاب ونجمع الورد ونحوس *** ونهيـم بالصحـرا ونستانـس بطهـر اترابهـا
يا صاحبي نبي نهار مـا يمـل مـن الشمـوس *** نبي مكان ما مشـت بـه حضرهـا واعرابهـا
طق الاخيـام بخايـع لا جيتـه يسـر النفـوس *** ياقف على جاله غديـر مـن القطـا واسرابهـا
نجمع حطب ليل للسوالف والقصايد والـدروس *** والغانمين علومهـم نفخـر بهـا ونزهـى بهـا

للشاعر خالد الجبر


احببت ان اطرح لكم من تصويري بعض الصور من المواسم السابقة من اعوام الخير لأمطار وسيول المجمعة وما حولها ..


























































































وختاماً ..
اسأل الله ان يجعل هذا العام عام خيرٍ وبركة ..
واتمنى ان تكون هذه الصور نالت على اعجابكم ورضاكم ..

وتقبلو تحيتي ..
ثامر ..
- See more at: https://www.thamer-th.com/2013/10/was....xvmnNple.dpuf