مع السلامة يا خميس

[صبح المطر]

السلام عليكم

كيبوردية وليدة اللحظة


/


مع السلامة يا خميس المكاشيت ،،،، الله يذكر صبحك الزين بالخير
يا حلو لحظاتك على الشوق لا جيت ،،،، ساعاتك الحلوة تسوق المسايير
يا ما على فجرك جهمنا من البيت ،،،، شلنا على فالك وفال المناعير
نحسب حسابك ننتظر وأنت مأبطيت ،،،، يوم الربوع نحس في عيدك عصير
ما نختلف يا أحلى سبوع المواقيت ،،،، تهون لا طليت كل المعاذير
نمشي على اللهفات يا طيب الصيت ،،،، لا لاح براق المزون المزابير
وقت الشتاء مع سبرة البرد بالهيت ،،،، يا ما نزلنا بالفياض المخاضير
يا ما على ديم السحابة على ليت ،،،، صوت المطر كنه يشد المساهير
كنه على وجد القلوب المشاتيت ،،،، بوح الحنين اللي يحث المشاوير


صبح المطر

[عبدالمحسن الرحمه]

مع السلامة يا خميس المكاشيت ،،،، الله يذكر صبحك الزين بالخير
يا حلو لحظاتك على الشوق لا جيت ،،،، ساعاتك الحلوة تسوق المسايير

أول شي لي الفخر أول من رد على هذا الابداع
الراقي منك شاعرنا القدير
أي والله فرقاه مؤلم
صح الله السانك يالغلا

وش رايك شاعرنا الوعد يوم الجمعة نكشت هههههههه

[صبح المطر]

المشاركة الأصلية كتبت بواسطة عبدالمحسن العمر

مع السلامة يا خميس المكاشيت ،،،، الله يذكر صبحك الزين بالخير
يا حلو لحظاتك على الشوق لا جيت ،،،، ساعاتك الحلوة تسوق المسايير

أول شي لي الفخر أول من رد على هذا الابداع
الراقي منك شاعرنا القدير
أي والله فرقاه مؤلم
صح الله السانك يالغلا

وش رايك شاعرنا الوعد يوم الجمعة نكشت هههههههه

يا هلا وغلا ابو عمر
ممتن لحضورك الجميل في متصفحي
صح بدنك ولا هنت


ما عندي مانع بس من يفكنا من خطيب الجمعة هههههه
تحيتي وتقديري

[غانم الضومري]

يعجبني الشاعر الحاضر والمواكب للحدث

صح لسانك شاعرنا

تحيتي

[صبح المطر]

المشاركة الأصلية كتبت بواسطة غانم الضومري

يعجبني الشاعر الحاضر والمواكب للحدث

صح لسانك شاعرنا

تحيتي

يا هلا وغلا ابو سامي
تسلم الله لا يهينك وما عليك زود شاعرنا القدير
صح بدنك وسلمت
تحيتي

[عابر سبيل]

ههههههههههه
مااافيك حيله يابو زياد ماشاء الله عليك
اقول لو شهادتي فيك مجروحه صح لساااانك واعتلاء شانك
أنت مكسب كبير لنا ولشبكة البراري.. ربي يحفظك من كل سوء أو مكروه
تقبل محبتي لك وتقييمي لطرحك الراااقي... فالك الجنة يابوزياااد،،

[صبح المطر]

المشاركة الأصلية كتبت بواسطة عابر سبيل

ههههههههههه
مااافيك حيله يابو زياد ماشاء الله عليك
اقول لو شهادتي فيك مجروحه صح لساااانك واعتلاء شانك
أنت مكسب كبير لنا ولشبكة البراري.. ربي يحفظك من كل سوء أو مكروه
تقبل محبتي لك وتقييمي لطرحك الراااقي... فالك الجنة يابوزياااد،،

ممتن لمرورك الراقي وتواجدك الرائع يا ابو نواف
تسلم لا عدمتك
هذا من ذوقك وكرمك
صح بدنك ودمت لنا بتواجدك الجميل
تحيتي

[وقاد]

صح لسان صبح المطر .

والله يعيينا على الاحد ..

[صبح المطر]

المشاركة الأصلية كتبت بواسطة وقاد

صح لسان صبح المطر .

والله يعيينا على الاحد ..

سعدت بتواجدك الجميل
تسلم وصح بدنك اخي وقاد
تحيتي

[الركام]

صح لسانك ياصبح المطر

صحيح راع المكاشيت بيفقد الخميس