محصيه بالسجلات

[ابن حماد]

السلام عليكم ورحمة الله وبركاته
للتواصل
الاخوه الاعزاء اضع بين انظاركم هذه الابيات المتواضعه
اتمنى ان تنال استحسانكم

دنياك لو تســــقيك صافي شهدها
وتغدق عليك انواع صفو الملذات

وميثاق منهـــــا ماتغيرعــهــدها
تبوق صاحبها وتخـــــدع بغــرات

هي الغـــــرور اللي تغر أبوعدها
طبعه خيون وله على الناس غارات

خســــــران حـيٍ في حياته عبدها
ومضى العمر لاهي بسجه وغفلات

كرر وراجع والحسابات عــــــدها
وتبع خطايا النفس توبه وحسنات

قدام روحك ترتحل عن جســدها
له موعد(ن) محتوم مافيه حيلات

حتماً إحياض الموت قدمك تردها
وتسكن في اللحاد وقبور الاموات

أرواح تلقى في لحــــدها سـعدها
وأرواح تلقابه ندامه وحســــرات

اما عـــــذاب وخيبةٍ في لحـــدها
والا نعيـــــم وفوز ورياض جنات

تبقى رهينــه في عملهـــا وحدها
لما الولي يحيي العظمام الرميمات

اللي خلق خلقه ومحصي عــددها
كلٍ يعيــــــده حي من بعد مامـــات

في موقـــــفٍ تنسى الحنونه ولدها
فيها الخلايق كلها احفـــــــاة اعراة

كلٍ اعمـــاله محضــــره ويحصدها
مثقــــــال ذره محصيه بالســجلات