يا ونتي ونــة صويبن يونــي ...........

[سراب]

[align=CENTER][table1="width:80%;background-color:darkred;border:10px inset orange;"][cell="filter:;"][align=center]

قالو تطيب وقلت ماهـوب ظنـي
انا بلاي مـن الطبيـب المـداوي
الله لا يجـزاه بالخـيـر مـنـي
اجيـه ويزيدالـبـلاوي بــلاوي
الشيب داهمني على صغر سنـي
قدني عقب ذيك المساريـح ظـاوي
الله مقوى حربـة اللـي طعنـي
ماكنهـا الا مـن يميـن العطـاوي
اهيم فـي زحمـة زمـان فتنـي
واصبر ويكويني من الهـم كـاوي
كني لامنها غابت الشمـس كنـي
من ظيقتي مسجـون ولا جـلاوي
ياونتـي ونـة صويـب يـونـي
صابوه فرسـان القنـا والعـزاوي
اون مـن جـرح قديـم سكنـي
واعيش بين امـة محمـد خـلاوي
والله لاونـي لاونــي لاونــي
بانسى ثلاث دونها الذيـب عـاوي
لاقول يالنفـس الحزينـه تهنـي
واقول يالقلب الشفـوق الشقـاوي
خلاص من زرع الرجا والتمنـي
والناس مايدرون ويش انت نـاوي
ياوقـت خـاف الله ولا تمتحنـي
ارفق بحالـي يالزمـان القسـاوي
حال غدا مثـل الهـلال المثنـي
يطويه من صكات الايـام طـاوي
افرح بقرب العيد واضحك واغني
والبس نهار العيد بشـت حسـاوي
اخفي بلاي من الشماميت لانـي
مابغا حدن منهـم يثيـر الدعـاوي
واحلا السنين اقفت على كف جني
خسرتها واللي بعـد كـم يسـاوي
ومن عقبها قولو لمن سال عنـي
دنيـاي بعـد مخيبيـن الهـقـاوي
عزاي منها عقب ماخـاب ظنـي
رفقة رعا الكف الكريـم النـداوي
لـولاه خليـت الهقـاوي تحنـي
على جبـا ذاك القليـب السنـاوي
وان قالو ادله قلت ماهوب ظنـي
وانا بلاي مـن الطبيـب المـداوي

الشاعر عبدالرحمن بن مريط

[/align][/cell][/table1][/align]

[محمد حطيب الجميلي]

قصيده رائعه
ومشكور والله يعطيك العافيه

[ذيب آجا]

واحلا السنين اقفت على كف جني
خسرتها واللي بعـد كـم يسـاوي
الله ياهالبيت رائع بمعناه..صح لسان الشاعر قصيدة من اروع مايكون..لا استغرب منك هالذوق ياسراب مااقول الا مافيك حيلة..

[أبا محمد]

قصيده مدوية جدا

قصيده عالية المرام
قصيده تنبع من شاعر مارس الحياه وعاصر الأيام حلوها ومرها وحتى غرايبها
قصيده رائعه مزيد من العطاء ننتظر

شاكرا لك ياسراب القصيده الرائعه والذوق العالي

[سمو المشاعر]

صح لسان الشاعر وسلم بنان الناقل قصيدة من أجمل القصائد

نقل احترافي مميز تنسيق راقي يعطيك العافية

[سراب]

لتواجدكم عبق يداعب نسمات الصباح الباردة
كم تثلج الصدر ردودكم
حضور مميز لكل من مر من هنا

اشكر تواجدكم اخواني

[مقطع العروق]

وعليكم السلام ورحمة الله وبركاته

ماشاء الله تبارك الله

ابيات جميلة جدااً ... وذائقتك اجمل

شكرا لنقلها لنا .

[سراب]

حياك الله اخوي سعد
تواجدك يبعث في نفسي السعادة
بارك الله فيك

[الركام]

اختيار جميل
مشكورة سراب على خذا الاختيار

[التراثي]

صح لسان قايلها
وصح لسانك على النقل
مشكور جزيلاً ماقصرت الله يعطيك
الف الف عافيه