هيه ياورقاً من الوقـت مهمومـة=خلـي همـوم الليالـي لراعيهـا

[رشيد الهديرس]

[align=center][poem=font="simplified arabic,5,#ff9a00,bold,normal" bkcolor="#0e0e01" bkimage="" border="none,4,#400000" type=0 line=0 align=center use=ex num="0,#400000"]
هيه ياورقاً من الوقـت مهمومـة=خلـي همـوم الليالـي لراعيهـا
غردي منتي على الحزن مرغومة=لك جناحٍ نـازح البيـد يدنيهـا
كل ماناشك عنا الوقت بسهومـه=بدلي دارٍ بها الحزن وأصخيهـا
والا أنا يجبرني الوقت وسلومـه=واتحمل بعض الأشياء وأداريهـا
وتجاهل رغبة القلـب وحلومـه=لاحصل في رغبة القلب مافيهـا
اتبع أمر الدين والنفس محكومـة=ماخضع للنفس واتبـع مشاهيهـا
والخطأ ماعنه الآنـام معصومـة=والمصيبـة كلهـا فـي تماديهـا
والعرب في كلمة الحق مقسومـة=بيـن عـداد الحقايـق ومخفيهـا
والصحيح اللي به النفس ملزومة=كل عاقل كلمـة الحـق يبديهـا
والرفيق اللي على بالي علومـه=كيف أبنسى كلمتـه يـوم يثنيهـا
يارفيقٍ يشـرح فـوادي قدومـه=استلم رد الخبـر فـي معانيهـا
درةٍ من صافي الفكـر منظومـة=تجلي الضيقة ليا قمـت أغنيهـا
كان تبغى صامل العلـم بختومـه=من ضميرٍ كلمته مخلـصٍ فيهـا
مش غلطة جاهل العرف بهدومه=واعتبرها كلمـةٍ مـات راعيهـا
كل جاهل لـو طردنـاه بعلومـه=تخسر النفس العزيـزة مباديهـا
شرهة العاقل على القرم من قومه=وإن تعدت روس الأجواد مابيهـا
والحرار الشقر دايم لهـا حومـة=عن طمان الأرض تختار عاليها
وكل رجالٍ علـى قـد مفهومـه=والمعرفة كنز في رأس راعيهـا
والحياة اللي من العرف معدومـة=فيضـةٍ جـرب البهايـم تفليهـا [/poem]

للشاعر المبدع سعود محمد السهلي[/align]