بدري...........عسى منته ع الحب مغصوب

[بقآيآ .. حرف]

السلام عليكم ورحمة الله وبركاته



بدري ! عسا منتب على الحب مغصوب ؟!
.......... وإلاّ نغزك الشوق .. ساعة تجلّي ؟!


وإلاّ إنتفض قلبك .. تبي تكسب ذنوب ؟!
.......... أو عينك اليمنى ترف .. و تهلّي؟!


أو خاطرك عقب البطا صار حبّوب ؟!
............ يومه تذكّر بعض ما صـاب كلّي


يللي تحسب الحب غالب ومغلوب
............. أو لعبةٍ فيها غموض .. و تسلّي!


دامك فطين وعندك أفكار وإسلوب !
.......... بسألك بالله وأنت فكر .. وقل لي ؟!


هو عقب صبر ايوب يوفيه عرقوب ؟!
.......... والا ان زرعنا الشوك ؟ نجنيه فلّي ؟!


أحدٍ غدى طيبه نقيصه و عذروب
.......... وأحدٍ يكابر كل ما أخطى و زلّي !


واللي هقا فعله عن الناس محجوب
.......... لا أثمر حصاده بين..عز(ن) و ذلّي


بانت .. عسا ربي يقدي لك دروب
............ قلبي على فاله .. و قلبك مغلّي !
.
.
راااااااااااااااقت لي

[بروق الرس]

أحدٍ غدى طيبه نقيصه و عذروب
.......... وأحدٍ يكابر كل ما أخطى و زلّي !

صح ذوووقكـ
أخوي محمد المعجب
دمت متمــــيز

[مساعد منيف العتيبي]

صح لسان شاعرها
سلمـت ع هــ اـذا الأنتقاء والذائقه
لاهـنت،/

[الذعذاع]

أحدٍ غدى طيبه نقيصه و عذروب
.......... وأحدٍ يكابر كل ما أخطى و زلّي !

الله الله
صح لسآآآن الشآآآآعر
وصح الله ذوووووقك اخوي محمد
من جد إختيآآآر رآآآقي
لاهنت يالطيب
ودي وتقييمي

[سحايب]

لاهنت على الطرح المميز
راق لي مانقلت
لاعدمتك