فزعة ربعنا اللي راحووو تكفون

[ابوصالح]

هلا بالغالين كيفكم واخباركم بعد هالاجازه الربيعيه الممتعه ان شاء الله
انا اليوم حبيت اضع هالموضوع وابي من الربع النشاما الفزعه

السالفة:

انا نويت اخذ إجازة تقريبا أسبوع وبروح فيها تمشيه وبشوف هالربيع في الصمان وأطراف الرياض.
الزبدة:

أبي منكم لاهنتو الاماكن اللي تستاهل أروح لها وفيها ربيع يطرب الخاطر على حساب هالاسبوع... يعني باختصار تخطيط للرحله واستغلال الوقت وزيارة الأماكن اللي فيها الربيع المذكور.
معلومات سريعة:

السكن: الدمام
المواتر: جيب شيروكي وجيب سلوقي ربع
الاشخاص: 4-5 اشخاص إن شاء الله ولكم مني كل الشكر

[الروضة]

هلا أخوي أبو صالح
حياك الله وإذا تبي الربيع الزين لا تعدى روضة خريم قرب رماح والأسفلت واصلها

[نايف العز]

^
^
^

وإيضـــاً .. الـتـنـهـات , والشوكي ما عليه ,

[الدوار]

انا عاطيك مخطط

انطلق من الدمام على روضة ام المصران بالصمان وما حولها وامرح فيها ليلة ثم توجه خريم ثم الى التنهات وامرح فيها ليلة ثم انطلق للشوكي وتمش فيه يوم ثم انزل من الضلع وتوجة الى الزلفي وتمش في روضة السبلة ثم اتجه الى جهة شقراء ثم في طريق العودة مر على الرياض وريح وانطلق من بكرة الى اهلك

[ابوصالح]

ماقصرت اخوي الروضه ولا يهون اخوي مهاوي

اما بالنسبه لك اخوي الدوار

فعلا كفيت ووفيت وانا مخطط كذا ان شاء الله بس قلت يمكن فيه فياض جديده او فياض رعت هالسنه وعليها العين طبعا

وانا بكتب مخططك هذا وان شاالله بنشوف باقي الربع يالغاليين


تحياتي لكم