مابين شااب مندفع / / وشاايب حكيمـ

[ام العنود]

مابين شااب مندفع / / وشاايب حكيمـ } . . ~
. . .

يقول الشاعر ابن فطيس ،،

كنت توي شاب في مرحلة الإعدادي
وجالس مع الوالد ،، وربعه .. سوالف وعلوم رجال وشعر
المهم واحد من الرجال ،،

قال يالربع اليوم كنت ماشي بدربي
شفت لي بيت شعر مكتوب على جدار ،،

يقول :

أعلان للي مابعد جرّب الحب
يترك طريق الحب قدر استطاعه

فيه الهنا ياتيك ساعه ويذهب
وفيه العنا ياتيك في كل ساعــه. . .


المهم ابن فطيس يقول البيتين اعجبنه ،، وقعد يفكر فيها بالليل !!
مسك ورقه وقعد يكتب ..

المهم من بكرة والرجال جالسين قال محمد يالربع ،، أنا قريت بيتين في نفس الجدار حق خوينا الاول

وبقولها لكمـ :

اعلان للي مابعد جرب الحــــــــــــب
يسلك طريق الحب بس بشجاعه
فيه الوفا والغدر والصدق والكذب
وفيه الفراق وفيه شوق اجتماعه

حظك على حظك تشجّع وجـــــرب
ان صبت والا غير تاخذ مناعـــــه. . .

ويضحك والد محمد ،، وقال // من كتب هالابياات ؟ ،،

قال محمد : أنا
قال أبوهـ عطني الورقة ،، ويكتب عليها :

أعلان للي مابعد جرب الحــــــــــب
يترك طريق مايجوز اتباعـــــــه
مع الرجا والخوف والياس والذنب
لو دام وصله ماومنت انقطاعه

شيئ غريب يشاع بالشرق والغرب
تركه قلاع واتباعه قلاعــــــــه
. . .

الحين قدامكم ثلاث وجهات نظر للحب ...

ياليت تقتبسون وجهة نظركم الخاصة بالحب من بينها !! ،,