الضيف لو جاني له القلب والعين

[عبدالمحسن الرحمه]

[poem=font="Arial,4,darkblue,bold,normal" bkcolor="transparent" bkimage="https://www.albrari.com/vb/mwaextraedit2/backgrounds/32.gif" border="solid,4,deeppink" type=1 line=0 align=center use=ex num="0,black""]
(( من جديدي ))


من لا عرفني يحسب اني شويطين=وانا على النيه وقلبي رحومي

هذي حياتي عشتها مدّة سنين=ماخاوي الا طيبين السلومي

أترك هلا البدعه واخاوي هلا الدين=وترك طريق ٍ سالكينه رخومي

والطيب له عند النشاما براهين=يشتفها الرجال بين العلومي

ومن فضل ربي مالحق سمعتي شين=واصبر على الماجوب عند اللزومي

وأنا كتابي واضح ٍ بالعناوين=معروف عند الطيبين القرومي

أشرع بذكر الله وانادي المصلين=واسأل جموع الحاضرين الزحومي

أكره مجالس فيها سب المحبين=أبعد واسامر عاليات النجومي

يحن قلبي لو أناظر مسيكين=وأعطيه لو يبغى جديد الهدومي

الضيف لو جاني له القلب والعين=يامرحبابه عدّ برق الغيومي

أذبح له الجزله من الحيل ثنتين=حيل ٍ سمان ٍ مطبقات الشحومي
[/poem]

[الركام]

كفو وصح لسانك وبيض الله وجهك على هذه القصيدة

[ابو حمد]

ياسلام عليك
صح لسانك ..
مبدع وبارك الله فيك..
ابو حمد،،

[ذيب المرير]

صح لسانك على القصيده

[الظـامي]

صح لسانك اخوي عبدالمحسن وعلا شانك

كلمات راقية ودرر متناثرة ابدعت صياغتها وأجدت حياكتها

سلمت ولاهنت

مودتي

[الضـــامي]

صح لسانك
ويعطيك العافية