وش افضل سواكتين الهواء

[هاوي البراري]

السلام عليكم

اخواني انا رحت ابشتري ساكتون هواء من محلات البيع ولكن بصراحة ضعت بين الانواع والاشكال

ورجعت ما شريت شي

تكفون وش تنصحوني به

انا ابيها للطيور الصغيرة ( الدخل )

ابي شوركم ........... وشوركم ان شاء الله طيب

[النمر]

حياك الله أخوي هاوي البراري

و صراحه موضوعك جاء في وقته .

اذا تبيها لطيور الدخل لا تتعدى ديانا مقاس 27 (( لأن الديانا مجربه منذ عشرات السنين و مشهود لها )) .
اشوف الشباب يمدحون لي الفايروخ مقاس 27 على ما اضن ..

و معروف الديانا و الفايروخ ممتازات لأن نياشينها زينه و دقيقه .

انصحك و من تجربه لا تتعدى الديانا 27 للدخل .

و لا تهمك فلسفت راعين المحلات لانهم يعطونك مسافات خياليه لبنادق الصيد الهوائيه .
واسئل مجرررررررررررررب و لا تسئل طبيب .
و الله يكتب لك الخير .

[ولد سدير]

مدام الرجال فتح موضوع السواكتين

عطونا انواعها كلها ومقاساتها وتخصص كل نوع

وعلى كلام مشرفنا النمر تراها جت في وقتها

[قناص الاردن]

ليتني اعرف انواعها كلها

حنا نعرف ديانا الالمانيه فقط وغيرها لا

لكن من سؤالك اسنفدنا ونبي نستفيد

[معدي المرقاب]

اخوي هاوي البراري

انا جربت 27/38/45/طبعا كلها المانيه(الرميح) وغيرها


ولقيت الديانا 45 هي احسن من البقيه قوتها معقوله

واصابتها دقيقه جدا وال38 ممتازه

الموديلات الاخيره عيبها ثقيلة الوزن

[ولد نجد]

استخدمت انواع كثيرة منها الالماني والانجليزي والاسباني
ووجدت ان افضل سلاح هوائي هو
فايروخ 27
فايروخ 80
وديانا 27
وساكتون انجليزية لا يحضرني اسمها وقد انقطعت

[ابو عابد]

عني انا الــ85 اشوفها اقوى واخف من الــ80

[أبو ثابت]

بالمناسبة .. الموضوع رائع جدا .. واذا فعلن تبيها للدخل فقط .. فلاتتعدى مقاس فايروخ وديانا 27 و45 ..

وأما إذا تبيها للدخل وللطيور الكبيرة شوي مثل القماري وحتى للضبان فعليك بمقاس 80 فايروخ فهي اللي عليها الكلام ومع الدخل ممتازة بس يبيلك الدقة شوي لأن أي إصابة في غير منطقة الرأس ماراح تلقى دخله لأنها بتتقطع عليك وتصير الرجل في مكان واليد في مكان .. وال85 أخف منها بس السسته أضعف وأقل تحمل من ال80 .. ..

[منصور المناع]

أخوي هاوي البراري يوجد في الأسوق ثلاث صناعات : ألمانيه (WEIHRAUCH - DIAN) وإنجليزيه (أوميغا) وإسبانيه (GAMO)

أنا ماني خبير بالقنص والصيد بس لاتتعدى الصناعة الألمانية (ديانا - فايروخ) لايعلى عليها فى الدقه والتصويب والشكل ومريحه والصيانه سهلة ومتوفرة بجميع مناطق المملكة

إذا بغيت بندق هوائيه (ساكتون) تصيد الطيور الصغيرة فخذ لك 27 ديانا

وإذا بغيت بندق تصيد الطيور الصغيرة مثل الدخل والكبيرة مثل الصفاري فخذ لك 35 فايروخ

وإذا بغيت بندق تصيد الطيور الكبيرة فخذ لك 80 فايروخ وتجنب 85 لأن السبرنق (السسته) حقت 85 دايم تنكسر


وهذا موقع يحتوي على جميع مواقع شركات البنادق الهوائيه

https://www.airgunbuyer.com/subcat.asp?cat=Air Rifles

[صقر البر]

ما شاء الله ومنكم نستفيد

ربي يحفظكم

الله يجزاك خير



اخوك صقر البر