قصيدة وطنية

[وادي الرماديه]

هذه قصيده متواضعه قلتها بعد وفاة الملك عبدالله غفر الله له وتولي الملك سلمان مقاليد الامور بالمملكة

فهدوعبدالله ونايف وسلطان
ناس مضت ماباقي الا سيرها

صاروا من التاريخ ياكان ماكان
في صفحة التاريخ نقرا خبرها

والموت له هيبه وسطوه وبرهان
الأنبيا من سكرته ما وفرهــــــــا

ياخذ من الارواح شيب وشبان
في لحظة كل الحياة اختصرها

والمملكة دانت وزانت لسلمان
حرن شهر فوق الحرار وخفرها

رجل السياسة والفراسه والاحسان
غوث الضعوف اللي بعطفه غمرهــا

ومقرن قوي الباس للعهد صوان
وللا السياسه قد سبح في بحرهـا

ومحمد اللي للمساكين مزبان
قوى اراده والمشاكل جبرهــــــــا

ويالله تبلى كل باير وخوان
اللي تولى امر البلد ويغدرهــــــــا

عساه في الدنيا حقيرن وخسران
وفى الاخره نارن تطاير شررهـــا

ومن لا يصون العهد ينبذ وينهان
ومن قدم الحسنه يجازى بأثرهــا

وعسى وطنا دوم محفوظ بامان
وعنه الاعادي كيدها في نحرها

[أبو سيرين]

[align=center]وعسى وطنا دوم محفوظ بامان
وعنه الاعادي كيدها في نحرها[/align]

صح الله لسانك قصيدة جزلة ويستحقون المدح حكامنا


أتمنى أن لا تحرمنا من قصائدك

تحيتي وتقديري

والله يحفظكم ويرعاكم

[رذاذ]

صح لسانك شاعرنا القدير
وادي الرماديه
على هذه القصيدة الوطنيه الجميله ...
سعدت بتواجدك وأثراءك للقسم بقصائدك
المميزه ... فلاحرمنا الله من هذا التواجد
الجميل ..

بوركت حيثُ ماكنت ..

رذاذ

[وادي الرماديه]

شكرا لكم على تشجيعكم ودعمكم

[تابع سحاب]

صح لساااااااااااااااااااانك