| التعليمـــات |
| التقويم |
|
|
|||||||
|
|
أدوات الموضوع | انواع عرض الموضوع |
|
#1
2014-04-05, 10:17 PM
|
||||
|
||||
أيام راعي السمن يخلص ديونه
قصيده لعبدالله بن سبيل الله لا يسقي ليال الشفاشيف أيام راعي السمن يخلص ديونه فراق شمل أهل القلوب المواليف وكل ٍ على راسه يباري ظعونه وليا نشد عن واحد ٍ ما بعد شيف أزروا هل القعدان لا يذكرونه الشيخ كنه صايل يتبع الريف يأخذ أسبوع البيت ما يبتنونه يتلون مشهاة البكار المشاعيف وكل ٍ يبي قفره قدم يسهجونه سقوى الى جت نقضة الجزو بالصيف وابعد ثرى نقعه وكنت مزونه والعشب تلوي به شعوفٍ من الهيف والشاوي اخلف شربته من سعونه جتنا جرايرهم تدق المشاريف البيت يبنى والظعن يقهرونه وتقاطروا مثل الحرار المقاييف وراعي الغنم عن مرحهم يفهقونه وتواردوا عد ٍ شرابه قراقيف العد لو هو بالفضا يشحنونه وكل ٍ نصا القرية يدور التصاريف واللي له أحباب ٍ لباب ٍ يجونه تسعين ليله جانب العد ما عيف ولا للشديد مطري ٍ يذكرونه وهبت ذعاذيع الوسوم المهاريف وسهيل يبدي مابدا الصبح دونه وجاهم من القبله ركيب ٍ مواجيف وحضور يوم ان النخل يصرمونه والعصر بالمجلس مضال وتواقيف وأمسوا وتالي رأيهم يقطعونه والصبح طون البيوت الغطاريف والمال قبل اطلاقته يصبحونه وراحوا مع الريدا وساع الاطاريف يذكر لهم مندى ً شبيع ٍ يبونه مقياضهم خلي بليا تواصيف قفر ٍ عليه الذيب يرفع لحونه أوي جيران ٍ عليهم تحاسيف لولا انهم قلب العنا يشعفونه وليا تعلوا فوق مثل الخواطيف كم مايق ٍ برماحهم يزعجونه ولهم على حل المواسم محاريف وليا جذبهم قايد ٍ يتبعونه هذي مغاوير ٍ وهذي مناكيف وهذا يبيعونه وذا ياسمونه مما راق لي -
|
|
|
العرض الشجري