قولو لها انـي امـوت وكـاره الدنيـا بلاهـا !!

[عايد]

لاتسالوني..واسالوها من متـي مـا كلمتنـي؟؟
وصدقوني لو سالتـوا ادري مـا ينفـع معاهـا

من يصدق كيف غابت عن عيونـي وهجرتنـي
مخطيه والله يعلـم لـو تجـي بدمـح خطاهـا

عاليه..والشاهـد الله مـن غلاهـا ..ولعتنـي
ومن بعد ما ولعتني ..احرمتنـي مـن غلاهـا

وقلت يمكنها اتغلا مثـل مـا هـي امعودتنـي
تحرق اعصابي وترجع ..كـل ماربـي هداهـا

وليه وش ذنبي بدون اسباب هالمـره نستنـي
ماني متحمل جروحي وزود اجروحـي قساهـا

اذكر انهـا حذرتنـي بكـم كلمـه ..واسالتنـي
وش مصيرك لو تركتك وسط هالدنيا وغثاها..؟؟

كانت اتلمـح لحاجـه ومـن بعدهـا حلفتنـي
اني لا غابت اغيب وانسي لـو قلبـي ..بغاهـا

ليتها قبـل الرحيـل ابكـل صراحـه فهمتنـي
هي ظروف الوقت والا شخص ولعها وخذاها..؟؟

ما هقيت اني ابتعـب ليـن راحـت وتركتنـي
ولين قلبي قال.هذي مالـي محبوبـه سواااهـا

من يلوم القلب فيها لـو يقـول انهـا فتنتنـي
دام لاجـات اتباهـا قـال مـن حقهـا تباهـا

من حلاها ما كذبت ان قلت تسحـر وسحرتنـي
ولو تمر قدام عيني...زر علقتني فـي سماهـا

ليـه قالتلي(احبك)؟ولـيـه فيـهـا حببتـنـي
ما دريـت اهـا بكلمـه علقتنـي فـي سماهـا

من كثر ما كنت احبهـا لـو ثوانـي قاطعتنـي
ابلا شعور اسال عليها واقلـب الدنياوراهـا

علموها كيـف صـارت دنيتـي مـن هملتنـي
قولو لها إني اموت وكاره الدنيا بلاها
وذكروها بكـل كلمـه مـن شفاهـا ضيعتنـي
ما كفاها ..ما جرالي..اسالوها مـا كفاهـا..؟؟

ما بقالـي غير(ساعـه) منهـا يـوم ذكرتنـي
بعيد ميلادي وصارت تحسـب الوقـت القاهـا

لو صحيح انها تبيني مـا تمـادت وخسرتنـي
ولو صحيح انها تحبني ما تخلت عـن هواهـا

السهر عـذب عيونـي.. والقصايـد دمرتنـي
وكل حرف بهالقصيده يشكـي الحـال وعناهـا

ليتهـا تفهـم كلامـي لا وصلهـا واسمعتنـي
وليتها ترحم حبيـب لـو تناسـت مـا نساهـا

[تناهيد]

السهر عـذب عيونـي.. والقصايـد دمرتنـي
وكل حرف بهالقصيده يشكـي الحـال وعناهـا

ليتهـا تفهـم كلامـي لا وصلهـا واسمعتنـي
وليتها ترحم حبيـب لـو تناسـت مـا نساهـا,
,
,
كلماآت قمة في الرووووعة والأحساس والجمآل
يسسسلم لنا احسآسك وطرحك الرآقي.
دمت بخير وسعآده~
,
,

[راع العرض]

صح لسانك اخوي قصيده روعه ولا تحرمنا من جديدك

[بقآيآ .. حرف]

ليتها قبـل الرحيـل ابكـل صراحـه فهمتنـي
هي ظروف الوقت والا شخص ولعها وخذاها..؟؟

الله يعطيك العافيه
أخوي عايد
دمت لنا ودام طرحك الراقي أبيات جميله
كل التحايا