ياقوّ قلبك

[عبدالمحسن الرحمه]

مدخل



يا صاحبي قلي علامك تغيرت
قلي عسا ماجاك مني مضره

أُقسم برب البيت والله تحيرت
من صدك اللي هدّ قلبي وجره

أن كنت مخطي جيت لمك تعذرت
آسف وقلبي يالغلا لا تحره

أرحم حياتي واقبل العذر حذرت
قلبٍي تعلق فيك لا لا تضــــره

من زود تفكيري صراحة توترت
جالس على رجواك دربي تمره


( ياقوّ قلبك )


ياقوّ قلبك على الهجران ياقوّه
حتى مشاعرك يالهاجر مقويها
أصبحت ويا القهر في دربك امخوه
روحي تعذب ولا أنتا داريٍ فيها
في ذمتي يالمهاجر مابك امروه
تلعب بقلبي وعيني حيل تبكيها
من فوق منبر غلاكم شاعر امفوه
أكتب لك أبيات محكومه معانيها
بستان حبي بعدها فاقد ٍ نوه
هذي موري الهجر هذي مواريها
ياليت ترحم حياتي ليتها لوه
محتار فكري وقلبي رايح*ٍ فيها
النفس من سبته بالحزن مكسوه
يهل دمعي ليا جاني طواريها
جوّ الشقا في حشايا مختلف جوه
عسا الولي يلطف ابحالي ويشفيها

ياقوّ قلبك صوتيه
https://www.youtube.com/watch?v=faYCyqomQLw —— Powered by #Free

[وقاد]

صح لسانك ورائعة القصيدة وممتعة

[حالة جوية]

صح لساااانك شاعرنا المبدع

[صبح المطر]

صح لسانك شاعرنا الرائع عبدالمحسن العمر
مبدع دائماً
بيض الله وجهك

[غانم الضومري]

صح الله لسانك

حروف عذبه تدخل القلب من أول وهلة ، تجبرك حروفها السلسة إلى أعادة تذوق الجمال .

دام العطاء يا أبا مالك

تحيتي

[عبدالمحسن الرحمه]

وقاد الروعة حضورك يالغالي كل الشكر والتقدير لك طال عمرك

[عبدالمحسن الرحمه]

حاله جويه صح ابدنك يالغالي كل الشكر لك على الرد المرور

[عبدالمحسن الرحمه]

صبح المطر مرور شرفي رائع صح ابدنك كل الشكر على الرد والمرور

[عبدالمحسن الرحمه]

غانم الضومري شاعرنا القدير مرورك بحد ذاته شرف لي طال عمرك وصح الله ابدنك