سلام ياللي لك ثلاث ايام مكلوم وكظيم
والغيظ يقطع بك سبيل الضاويه والسارحه
يبست عروقك والعيون دموعها ودّان غيم
من ليل الاول وامس والليله وليل البارحه
ياقلب ياللي كن صوتك من ورى عوجي هشيم
شيخ ٍ ضرير وباروا عياله وعمره طارحه
قفوا وخلوا له ثلاث اطفال قصّر مع حريم
والجوع كافر و حاجة ٍ عند الاوادم جارحه
هوّد رعاك الله لاتقهر من الضيقه يتيم
ارفق عليه وعلمه باللي بلاك وصارحه
والصبر مفتاح الفرج والله كريم الله كريم
اطلق حجاجك لاتشيل الهم في مطارحه
لو تضمن الامه كلاليب الصراط المستقيم
والله ماتبقى غريزه في بن آدم قارحه
لكن لاتتعب على باب اسود الرمش وتهيم
دام الدلايل دامغه والامثله متشارحه
ماكل شي ٍ يصدف القنّاص في مبداه ريم
ولاكل من قاد السبب درب السلامه بارحه
رآآقت لــي
2013-11-17, 12:59 AM
سلام ياللي لك ثلاث ايام مكلوم وكظيم
العرض الشجري