ياراحة البال بالله وين هالغيبه

[عايد]

ياراحة البال بالله وين هالغيبه

ياراحة البال بالله وين هالغيبه

ياراحة البال وين هالغيبه
ودي تشوفين وين الضيق وداني
عقبك وانا بين تشريقه وتغريبه
لا غابت الشمس قلت الصبح ينساني
طبعي احب الوفا والصدق والطيبه
ولا الوح لكل من مر وتعداني
بعض الصداقات لا عز ولا هيبه
حلوين الالسن قليلينن بالاحساني
النعم له ناسه وللضلع الخيبه
ودي برجل على الطيب يتحداني
ماهوب رجل تحزم في عذاريبه
من عقب ماهو صديق صار قوماني
وشلي برجل ليا كمل مطاليبه
شال القناع وتبين وجهه الثاني
ماقول قربه لياعفته اضحيبه
الزود فرقاه وقربه لي نقصاني
والناس بالمستوى كل وترتيبه
احد يشرفك واحد معه تنهاني
ارقب طويل الرجم وانصاه وابديبه
تشيلني عزتي وعزوم جنحاني
مايسأل المرء يسأل عن اصاحيبه
ان قيل خسران والا قيل كسباني
والطيب ليا دعاني قمت احييبه
والا الردي يبشر بحبه ونيشاني
عشنا وشفنا الزمن واصعب تجاريبه
واحيان ندفع ثمن والدرس مجاني
يعل ضاميه لا صفيت مشاريبه
واكيد محدن يصدر منه روياني
لكن عسى الله يستر من عواقيبه
وانك على نيتي يارب تجزاني
مالي ومال التعب والشك والريبه
ودقايق الوقت تمشي والعمر فاني
هذي مقادير والمكتوب راضيبه
به شي يامرني وبه شي ينهاني
ولازلت احب الوفا والطيب اماريبه
وصية من وصايا عود رباني





م/ن

[بقآيآ .. حرف]

ولازلت احب الوفا والطيب اماريبه
وصية من وصايا عود رباني

صح الله لسان الشاعره وصح ذؤؤقك
أخي عايد
كل الود

[سراب]

مالي ومال التعب والشك والريبه
ودقايق الوقت تمشي والعمر فاني
هذي مقادير والمكتوب راضيبه
به شي يامرني وبه شي ينهاني

اختيار موفق وكلمات ترتقي للذائقة
شكرا لك حتى ترضى اخي عايد

[تناهيد]

[عايد]

الاخ القدير ابو خالد
اشكر لك مرورك ومتابعتك االكريمه ... لاعدمناك ولا عدمنا حضورك
تقبل ودي واحترامي

[عايد]

مراقب المنتديات الاستاذة والاخت العظيمه سراااب
اشكر لكِ حضوركِ ومتابعتكِ الكريمه .. لاعددمناكِ سيدتي
تقبلي ودي واحترامي لشخصكِ الكريم

[عايد]

مشرفة المنتديات الاستاذه والاخت الكريمه تناهيد
كل الشكر لكِ على مرورك ومتابعتك الكريمه .... لاعدمناكِ سيدتي
تقبلي مني كل الشكر والاحترام لشخصكِ الكريم

[Al-KHUSHAIBY]

صح لسانك اخي الغالي
ابيات رائعه بارك الله فيك
تقبل مروري
اخوك...راشد الحربي

[عايد]

الاخ والاستاذ الكريم راشد
كل الشكر لك على المرور والمتابعه الكريمه .. لاخلا ولا عدم
تقبل ودي واحترامي لك

[كمال البدور]

بعض الصداقات لا عز ولا هيبه
حلوين الالسن قليلينن بالاحساني
النعم له ناسه وللضلع الخيبه
ودي برجل على الطيب يتحداني
ماهوب رجل تحزم في عذاريبه
من عقب ماهو صديق صار قوماني

صح لسانك اخي عايد
ذوق رفيع رفع الله قدرك وشأنك