الطيب فرصة والجمايل توافيق..!!

[صلوا على الحبيب]

الطيب فرصة والجمايل توافيق


الطيب فرصه والجمايل توافيق
ومن لاتوفق ماكتب له جماله

ومن لارقى للطيب روس الشواهيق
مازان له وقته على مابداله

ومادام لفعول الجمايل عشاشيق
كسب الجمايل ما يجيب السهاله

ولو انها تشرب مع فكة الريق
كل خذاله كل مااصبح بياله

والطيب منوه للقلوب المشافيق
كل يتوق ومنوته راس ماله

والمدح مايزهى على الرجل ويليق
الا لا صارت وافيات خصاله

يستاهله رجل يفك المزانيق
اللي يقال ونعم لا جاء مجاله

ومن ساقته نفسه وهو مابعد سيق
لاجل الجميل يزين الله فاله

والمرجله ماهي بتحتاج تنسيق
من بين قلب اللي عشقها وباله

ومن عادة الدنيا تخون المواثيق
تفتر مكرتها سواة المحاله

ولولا اللوازم ماعرفنا المخاليق
مانعرف الرجال لين انعناله

والكفؤ تظهر فزعته حزة الضيق
وينشاف في الشده بعين العداله

نسل الرجال متعبين الملاحيق
متوسط من بين عمه وخاله

واللي يطيق ولا بغى قال ما اطيق
تحرم عليه المرجله والشكاله

والهينه تكبر على اللاش والهيق
له في الرخاء قاله وفي الضيق قاله

والطيب شاره والضماير صناديق
واللاش طيبه ما تعدى ظلاله

وانا اسبر قلوب الرجال المغاليق
والصامت اقطع غايته من مقاله

ومادام في الدنيا رجال ومطاليق
نصيتهم واللاش مالي وماله
/
مماراق لي

[ابن حماد]

والمدح مايزهى على الرجل ويليق
الا لا صارت وافيات خصاله
قصيدة جميله كلها حكم صح لسان القائل وتسلم يد الناقل

[Al-KHUSHAIBY]

يعطيك العافيه اخي الغالي مشكور

[صلوا على الحبيب]

كل الشكر لمن رد على الموضوع

وشرفني بالمرور ..أسعدتني ردودكم

بارك الله فيكم جميعا والله يوفقكم ويسعدكم.

[فهد الشمري]

شكرا ياعاشق الطيب على الموضوع الرائع