امشي على ذيك الدروب العسيره .:":. والعين سابرها على كل مقطاع

[حـــــارب]

امشي على ذيك الدروب العسيره .:":. والعين سابرها على كل مقطاع

امشي واعاكس بالهوا كل ديره .:":. اداري اللي شوفته طب الاوجاع

وليا وصلنا حدود راس الوعيره .:":. ذيك الفياض اللي مرابض للاشباع

فيها العشب والشيح فايح عبيره .:":. والماء بذيك العين تمشي لهالساع

دربل على ضلال الرتوج المحيره .:":. ولقيت منهو مطرق اليد بالقاع

واخترت ابو ذيك القرون الكبيره .:":. ونقلت بالحبه على قلبه اقطاع

وأياك تذبح شي تندم بغيره .:":. اقنع برزقك والحذر من هالاطماع

شيٍ يفيد اليوم وشيٍ ذخيره .:":. والنفس ماتتعب من الرمي لاثاع

يوم اعتلا صوت النداوي بشيره .:":.الكل منهم يعلن اليوم فزاع

هذاك درهم للبدن ياخبيره .:":. واسلخ ولاتنسى ترا الكبد منفاع

وهذاك شب النار يازين خيره .:":.حلوه ومره تشبع الكيف لاجاع

وعقب الوناسه والعلوم السفيره .:":. كلن يشيل القسم جنبه بالامتاع

نرجع لهلنا وراكد الجوف طيره .:":.شبعان ومبرقع على ذيك الاضلاع

https://www.youtube.com/watch?v=8WSCYyHxrPo

أبيات والقاء وتصوير
{ .:" ابــ جهينه ــن ":. }

[Al-KHUSHAIBY]

تسلم يا اخي الغالي على الابيات الرائعه

[حـــــارب]

هلابك أخوي راشد
الرآئع أنت يابعددي , نورت كامل متصفحي
لاهنت لاهنت

[غيمة جده]

يسلم ذوقك مشرفنا الغالي على
هذه القصيده التي شعرت بأني رحلت معها
الى واحه جميله
كل الشكر لك
وتقبل مني خالص الاحترام والتقدير

[ابو سلطان العتيبي]

نرجع لهلنا وراكد الجوف طيره .:":.شبعان ومبرقع على ذيك الاضلاع

رائعة يامشرفنا
"عنيد جهينه"
وصف جميل في ابياتها
لك مني ودي واحترامي
-

[الركام]

تسلم ياعنيد جهينه جبت الزين كله
كلمات وصور جميلة

[راع العرض]

صح لسانك مشرفنا الغالي على الابيات الرائعة اللي كني عايش بجوها

[رذاذ]

أبيات جميله جداً وصوت أجمل ...

نقلت لنا فأبدعت مشرفنا ..

رذاذ

[ابن حماد]

وليا وصلنا حدود راس الوعيره .:":. ذيك الفياض اللي مرابض للاشباع


فيها العشب والشيح فايح عبيره .:":. والماء بذيك العين تمشي لهالساع

قصيده جميله وابداع راقي دام ابداعك مشرفنا
تقبل سلامي وخالص احترامي

[ذيب آجا]

يعطيك العافيه ذائقة عذبة..لاعدمنا تميزك.. وجمال طرحك .. بشوق لجديدك
اخوي عنيد..ودي