ناعي الفراق

[سمو المشاعر]

الصوت في جوف قلبي صار متهاوي

والله يعين العروق اللي يضخنه


ماعت انا يا حياتي للالم قاوي

ردي خليل الحشى للي يحبنه


ماني على دمعتي يا لهفتي ناوي

ما دام تعذيب قلبي صار لك سنه


عقلي به الهم والتفكير متساوي

يا نور عيني خيالك مر بي كنه


كنه شعاع ارتمى فيني وانا هاوي

مثل الجريح الذي ردد صدى الونه


ما كني الا طريح فالخلا ثاوي

للهم في داخل الوجدان لي حنه


غيبت في الصوت وانت تقول علاوي

وش عاد لو قلت ناصر عمري اظنه


ما عاد يرجع ويطوي خافقي طاوي

ويصيح ناعي الفراق الين توحنها