| التعليمـــات |
| التقويم |
|
|
|||||||
|
|
أدوات الموضوع | انواع عرض الموضوع |
|
#1
2011-04-22, 05:30 PM
|
||||
|
||||
مسيرتي في هاذي الشبكه الغاليه على قلوبنا
مساء الخير جميعا أقولكم من أول شي كنت من يومني صغير وانا مجنون الامطار قبل ما كانت أعرف اسوق السياره وانا طالع وراء البيت أطالع السحاب واحب كلمة تمطر أو تبرق أو ترعد مواقف حصلت لي في المدرسة الابتدائيه أول موقف كنت اذا شفت المطر جانا با لليل أروح أكذب على أخوي وامي أقولهم انا تعبان ما أقدر أدرس أمي تقول لي خل أخوك يودك ويستاذلك وانا أقول يمه ما أقدر أروح ثم تسمح لي واحط نفسي نائم لين شفت أمي نامت أفتح الباب واطلع باالمطر والعب في الامطار والحمد لله عديت الابتدائي ودخلت المتوسط وتجيني سياره والله العظيم يا شباب كل ماجانا مطر غبت ورحت وراء السحاب من يوم أني صغير الى الان وعمري عشرين سنه وانا أطارد السحاب سؤال واحد وشلون عرفت شبكة البراري في السابق ما أعرف شبكة البراري كنت أفتح الارصاد السعوديه يوميا ما تفوت على ولا مره ويجيني أخوي قبل رمضان تقريبا اسبوعين في عام 2009 وكلمني وقالي فيه شبكه رائعه عن الامطار حلوه جدا وقمت وفتحت القوقل وسجلت شبكة البراري لاننسى مراسل الرس (((الصاعقه))) هو الى معلم أخوي ولله الحمد تم التسجيل ولقيت الاحبه في هذا المنتدى وشاركة ونزلت تقارير الله يعطيكم العافيه يا أدارة البراري على عطائكم لي هذا التميز وابشر بكل ما لدي راح أخبركم واكون متواجد معكم جزاكم الله خير من اعضاء ومحللين ومشرفين وإداريين على ما تبذلونه لهذه الشبكه الغاليه الله يعطيكم العافيه أخوكم :::راشد عبيدالله الحربي المكان::::::وسط الخشيبي العضو::::الخشيبي منتدى وشبكة البراري ه
|
|
|
العرض الشجري