ليله ولا الف ليله ..براس طويله...

[هواي البر فهد]

ياهلا يالله حييكم ياعضاء ورواد البراري

هذي بعض صور من باب لمشاركه معكم ..
رحله لنفود عنيزه ومبيت ليله لكن عن الف ليله في اجواء رائعه وخصوصن لاصرت براس طعس
((صحيح برد بس وناسه)

والي على جنبي قروم(ن)مشاكيل... ربع(ن)تحب المرجله حب بهبال
تجار مشراها قلوب الرجاجيل... والا سوالفها رفيعات وجزال
طيب(ن)على طيب(ن)ولوقيل ماقيل... راع الوفا في خوته طيب منوال
قلته وانا من روس قوم(ن)حلاحيل ...وامعرب الجدين وامجود الخال

لاتلومني في طلعت البر ياسعود
ولا تحسب الحياه الحضاره
كشخه ومرسيدس ويس فري قود
ويلم ويفرق كثير بنهاره
امحق حياتن ماهي من هلي الجود
لي تشع وجيهم بالطهاره
كلن له هوايه وطربه ومقصود
محد يحي الشي دون اختياره
يهل المدينه سلمولي على الذوود
لافيه لاشارع ولافي عماره
ولافيه لازحمه ولا دبله كبود
وربط حزامك وقف اشاره

الله على الفنجال مع هجعة النـــاس...... بدلال نارٍ مايبطل سنــاهـــــا
مع حمسة يملا بهــا كل محمــاس.. ..ويقلبــه قرم يعـرف استواهـــــا
قم يافرج شبّه تر الكبد والــــرأس ... العين اشوفه قازيه من خطاهـــــا
حط الجروم اللي من العام يبـــاس .... .ليـاما يطوح ضوها مع فضاهــــا
واحمس على جمر ترى ماله اجـناس..... .وكفـّه ليا منه عرقها غشــاهــــا
واودع بهاره هيل ورهه بالاجـراس ...... ياخالط الفنجال تر هو حلآهــــا
ودقه بنجر يسمعه كل نعــــاس...... ولاتغلق الضبة على من بغاهـــــا
وصفـه وصبه تر هو الصفى بقيـاس...... ماهو خطاة الخامل اللي طهاهـــا
اللي يحطه باوسط النار مرفـــاس ..... لما يطير قبوها مع غماهــــــا

مشاءالله اثر الامطار

شبّت حطب ماهي بشبة عياسيب *** ارطـا وعرفـج يمنّـا حاطبينـه
واليا سنت شب الجروم اللواهيب *** قام المقهوي قّرب المـاء بدينـه
ركّب دلال مجلدات المقاظيب *** بغـداد مـن سـوق الحفـر جالبينـه
بيضن تلالا يطعمن المشاريب *** تبعد عـن انفـوس العبـاد الغبينـه
واليا احتمى ماهن يشيل المراكيب *** يحـط كيفـن بالنجـر طاحنينـه
فنجال ونص وردهن يمه قريب *** وجاب البريج وسكـره فـي بطينـه
وحطه على صفه هذيك المهاذيب *** والبن فاح وركـده فـي سكينـه

لا ضاق بالي ,, والهواجيس وردن
النار شبّتها بداية علاجي
والبن بالمحماس والنار تلسن
نارٍ تزايد جمرها بوتهاجي

كحيلان يضبط لنا لعشا

تحيه وداعيه

تحياتي لكم
هواي البر
فهد

[هنا القريات]

الله يعطيك العافيه
الطعوس تفتح النفس
مشكور

[الشيخ]

تقرير يفتح النفس ويوسع الصدر ويريح البال
نفود وشبة النار وش خليت
الله يجزاك خير

[محمد النجيبان]

حياك الله أخي في عنيزة
وياهلا ومرحبا بكم توه ما أسفرت وأنورت عنيزة
لكن عتبي عليك أخي الفاضل إنك ما عطيتنا خبر بوجودك في عنيزة
ليكون لنا شرف اللقاء بكم ... والضيافة

[عبدالله المنصور]

مشكور على الموضوع والصورالجميلة

[أبو عمر]

كشته خياليه في أجواء رائعه في أرض غاليه

بارك الله فيك وفي اخوياك على التقرير الرائع الممتع والله لا يفرق جمعتكم ويجعلها دوم في طاعة الرحمن

[ثامر الشراري]

الله يونسك ويشرح بااااالك
مثل ماونستنا وشرحت بالنا
تحياااااااتي لك ولأهاااااالي عنيزه
وأتمنا لكمـ

[البرفسر]

الله يديم عليكم الوناسه

مشكور على هالصور الرائعه

[ابو طلال الفيفي]

وعليكم السلام ورحمته الله وبركاته

الله الله يازين مكانكم " حفظكم الله في حلكم وترحالكم "

اسعد الله قلبك انت والشقردي ابن الاجاويد "كحيلان "

[راع الشماليه]

ياسلامي عليك انت والشقرديه اللي معك

عــز الله انها ليله عن الــف ليله

الله يعطيك العافيه