المنحوس منحوس وحتى لو ركبوا على راسه فانوس

[ابو فراس]

المنحوس منحوس وحتى لو ركبوا على راسه فانوس
​​​​​​​​​​​​​​​يقولك في قردين واحد محظوظ .. والثاني منحوس !!
المهم كانوا قاعدين وطفشانين قال المحظوظ للمنحوس :
وش رايك نروح المزرعة اللي هناك وناخذ منها مـوززز ؟!!
رد عليه المنحوس : أوكي ...
المهم يوم راحوا .. المحظوظ طلع فوق الشجرة يقطع الموز ز.. والمنحوس ينتظرة تحت عشان يجمع الموززز !!
المهم صادهم صاحب المزرعة ومسك المنحوس وضرب فيه ضرب لين نساه حليب امه !!
المهم جلسوا على هذا الحال ثلاث أيام .. وكل يوم ينضرب المنحوس ضرب مو طبيعي !!
وفي اليوم الرابع حبوا يروحون للمزرعة ..
قال : المنحوس للمحظوظ :
اسمع أنت كل يوم فوق الشجرة وأنا تحتها .. وأنا اللي آكل الضرب !!
هــ المرة اعذرني أنا راح أطلع فوق الشجرة أقطع الموززز .. وانت تكون تحت تجمعه !!
قال له المحظوظ :
أوكي اتفقنا ياصاحبي !!
المهم اتفقوا وطلع المنحوس فوق الشجرة والمحظوظ ينتظر تحت !!
وشافهم صاحب المزرعة ومعاه اثنين من أصحابه ، ولما وصل عندهم ..
قال لأصحابه :
اللي تحت دايم ينضرب ؟!!

لا هـ المره جيبوا لي ابن الكلب اللي فوق

[الركام]

لاحيلة مع القدر
مشكور ابو فراس

[سفير الحيا]

ههههه .. مدري وشلون قرد يكون ابن كلب على قولة صآحب المزرعه !
وعلى طآري القرود كآنت تدآهم الحلآل كل يوم وتآكل الشعير وتلعب بالمويه وتخرّب كل شي !!
المهم استخدمنا كل الطرق مانفع معها وهاك اليوم اقترح أحد الشبآب اقترآح جميل بشرط أن نمسك قرد ؟
والحمد لله مسك العآمل القرد ودق عليّ وبشرني . ودقيت على خويي وقلت له وش السوآه مسكنا صآحبنا
قآل لبسه ثوب وآحد من العيآل ثوب صغير وبعدين فكّه وأخذت الثوب ولبسنآه القرد << طلع كشخه ؟؟
وربطت العمآمه على رآسه معصبها بعد وبقوه عشآن مايفكها ويوم أطلقنا سرآحه رآح يبي القرود والقرود
تشرد منه تحسبه انسآن وإلى اليوم ماشفنآها ولا أدري وين وصلو ؟؟؟؟

[ريان عبدالله]

هههههههههه مسكين فعلا منحوس
جزاك الله خير

[ابو طلال الفيفي]

والله ماله حيله المسكين ..
أسعد الله قلبك على هذه القصص الطيبه .

[ام محمد]

واااااااااااااااااااااه وربي يكسر الخاطر

من جد منحوووووووووووووووس

تسلم ايديك استاذي

أضحك الله سنك

[المزحمي]

الله يعينه يابو فراس

[كمال البدور]

ههههههههههههههههههههه
اضحك الله سنك
والله اني ضحكت من قلبي
مشكور ابو فراس ، وجعل ايامك كلها سعادة وهناء