من يشتري مني قصــــايد حزينه
ويبع لـــي شعـــر بـــــــلا هم واحــــــزان
مليت من شعــــــري وقلبي وأنينه
ودي أعيش العـمر وأكـــــــــون فــرحان
ودي أعوض مــــــر عمري وسنينه
وأنسى زمــــــــان ليته اليـــوم ماكــــــــان
أريد أنسى كـــــل ذكـــــــرى دفينه
خــــلاص يكفي ومن لظى الشوق تعبــــان
أيـــام مـــاتسوى ودنيــــــــا لعينه
يـــاما سهــــرت اذرف من الويل نيـــــران
يـــــا ما بكيت بحســرتي والغبينه
يـــــامــــا شكيت ويعلـــم الله سبحـــــــــان
عجـــــزت ألآقــــي في هواي السكينه
عجــــــزت ألآقــــي لبسمتي اي عـنــــوان
تـــايه انـــــــا في بحر مثل السفينه
تـــــــايه ولا عندي دليـــــل وبـــــــرهــان
اكتب قصايد والمشاعــــر سجينه
في حـــــزنها وتعــزف مواويل والحـــــــان
واجــــــر ونـــــات ونفسي رهينه
ودمعة الم تحــــوي مجـــــــاميع للالـــــوان
الله يجـــــازي اللي سحـــــرني بعينه
وآخـــــــر تركني في شقا الهم غــــــــرقان
عشــــــرة عمر يـــــاناس بيني وبينه
سجلتهـــــــا ذكــــــرى في ستين ديــــــوان
من يشتري مني قصـــــايد حـــزينه
ويبع لــــي شعــــــر بــــــــلا هم واحـــــزان
2010-12-30, 09:09 PM
من يشتري مني قصايد حزينه
العرض الشجري