لايفوتكم موظف الإتصالات هههههههه

[أم فهد]

شوفو هالموظف المسكين وهو يستقبل مكالمات المشتركين
لا وكان تعبان وزهقان ومزاجه مش ولابد والمايك معلق على راسه ...

المكالمه الاولى :
الموظف : الو ..استعلامات الدليل محمد ال......, مرحبا
المواطن : الو .. ممكن لو سمحت تعطيني رقم عبدالله فهد سعد
الموظف : وين ساكن اخوي لو سمحت
المواطن : ساكن هنا قريب منا .
الموظف : وين قريب منكم بالضبط .
المواطن : ياخوي هنا جمبنا جارنا ماتعرفون رقمه .
الموظف : ياعزيزي انا مادري انت وين بعد .
المواطن : اقول والله ماعندك ماعند جدتي بس .
طوط طوط انقطع الخط

المكالمه الثانيه :
صوت ناعم
الموظف : الو ..استعلامات الدليل محمد ال......, مرحبا
الصوت الناعم : هلا اخوي ممكن تعطيني رقم بيتزا هت بس
مابي فرع النسيم دايم تعطوني اياه
الموظف : اي فرع تبغون رقمه .
الصوت الناعم : تدري ايش فيه فرع النسيم بايخ لآن البيتزا حقتهم
توصل بارده .. وبعدين شكلها خبز تميس .
الموظف : بيموت من الضحك بس ساكت ... طيب خذي فرع العليا اجل
الصوت الناعم : ياخي ليه ماتضحك .. لايكون انت صاحب بيتزا هت ..
مالت عليكم وعلى دمك .
طوط طوط انقطع الخط

المكالمه الثالثه :
الموظف : الو ..استعلامات الدليل محمد ال......, مرحبا
الطفل : الووووووو عطني رقم وشسمه ..هذا..وشسمه ياربي ..
ايه ... حمود بادي فرج
الموظف : طيب خذ رقمه ؟؟؟؟؟؟؟؟؟؟
الطفل : لحظه ابي رقم ثاني بعد . ابي رقم هذا وشسمه ...
مانع فالح سامي
الموظف : طيب خذ رقمه ؟؟؟؟؟؟؟(ممنوع اكثر من اسم في مكالمه)
الطفل : طيب ابي واحد ثاني هذا رقم ابو نادر عمي سعد .
الموظف : اتصل مره ثانيه لانه ممنوع اكثر من رقم في اتصال واحد .
الطفل : اقول وجع .. يوجع بطنك ( الفاظ وي وي ماتنقال ).. ترى مالك فضل ...
انا ماكلمك مجاني اكلم بريالي .
الموظف : يخرج من طوره
( اقول اسمع ............. طوط طوط قفل الخط

المكالمه الرابعه
:
كانت صوت ناعم
الموظف : الو ..استعلامات الدليل محمد ال......, مرحبا
الصوت الناعم : عوافي اخوي .
الموظف : الله يعافيكم يارب ........ ( اول مره احد يعطيه روح معنويه)
الصوت الناعم : لا انا قصدي ابغى مطعم عوافي اللي في العليا .
الموظف : طيب خذي الرقم ؟؟؟؟؟؟؟؟؟؟؟؟؟

المكالمه الخامسه :
كانت صوت ناعم اوي
الموظف : الو ..استعلامات الدليل محمد ال......, مرحبا
الصوت الناعم : مرحبا اخوي ممكن تعطيني مستشفى العيون للولاده .
الموظف : كيف ..؟؟؟؟؟
الصوت الناعم : مستشفى العيون للولاده .. تسمع والا اصمخ .
الموظف : وده يكفخها بس المكالمه مسجله طبعا ( هذا رقمه غير معلن ) .
الصوت الناعم : طيب ظف وجهك .
طوط طوط انقطع الخط .

المكالمه السادسه :
كان صوت ناعم.. بنت
الموظف : الو ..استعلامات الدليل محمد ال......, مرحبا
الصوت الناعم : هلا اخوي ممكن تعطيني رقم صيدلية السقاف
الموظف : تفضلي الرقم ؟؟؟؟؟؟؟؟؟
الصوت الناعم : لا لا لا هذا رقم صيدلية السقاف اللي في الروضه
الموظف : طيب ايش فيها .
الصوت الناعم : ماهي زينه ... مايبيعون الا فقس ..
طوط طوط انقطع الخط .

المكالمه السابعه :
كانت فتاه ايضا
الموظف : الو ..استعلامات الدليل محمد ال......, مرحبا
الفتاه : عيوني.
الموظف : بلا هالكلام ايش تبغين .............(عشان المكالمه مراقبه).
الفتاه : لا انا ابي محل عيوني للعدسات والنظارات اللي في التحليه .
الموظف : ايش اسمه.. عيوني ؟!
الفتاه : لا مو عيونك عيوني انا ياعيوني .
الموظف : خذي رقمه ؟؟؟؟؟؟؟؟
الفتاه : طيب شكرا لعيونك اللي كنها عيون بقره ...
ههههههههههههههه عندها بنات يضحكون .
الموظف: طلع وترك الدوام .وراح يشرب عصير ليمون

مااااااااا اقووووووول إلا الله يعينهم ......

[فهد النايف]

الله يكون في عونهم

[ندى الورد]

ههههههههههههههههههههههههههاي
عالم مصرقعه ما يعجبها العجب
الله يعطيك العافيه

[عبدالله الحارثى]

جميل جداااااااً
هههههههههههههه
والله أثرهم يعانون من ثقالة الدم
والله لازم نتعا مل معاهم
بكل أدب وإحترام
مشكوره أختي أم فهد
---
ابو احمد

[أسد البراري]

الله يعينهم
مشكوره اختي

[ابو طلال الفيفي]

والخافي كان اعظم ...

طرح جميل وممتع ...

الله يعطيك العافيه اختي الفاضله

[سفير الحيا]

والله من الدريهمات اللي يكسبونها منّا بحق وبغير حق !! << يقصد يوم خلّوا الرسايل بلااش

[بروق الرس]

الله يـــكـــــون بعونه والله يصبره حــــرااام كــــسرخااااطــــري
*******

الـــــف شكــــر ع الطــــرح الجميييييل
ياأم فهــــد
وبـــــاركـ الله فيكــ

[لحن الحياه]

هههههههههه
الله يكون بعونه
مشكووووووره
ام فهد على هذا الطرح الرائع
ربي يحفضك من كل مكرووووه

[ابو وتو]

والله حاله