خلي هجرني تكفى يامـوت زرنـي...

[ندى الورد]

خلي هجرني تكفى يامـوت زرنـي
وان ماقدرت دلني مكانك وانا اجيـك

مابـي حياتـي دام خلـي هجرنـي
مابي حياتـي دامـه يقـول مابيـك

يدري بظلم الناس يـدري وظلمنـي
واكد كـلام اللـي يقولـون ناسيـك

لكـن قبـل لاتاخـذ الـروح منـي
باسأل حبيبي كـم سـؤال واخاويـك

وشلـون قلبـك ياحبيبـي تركنـي
وتد ري بخفوقي كم له سنين هاويك

وماتدري بعـادك وصـدك ذبحنـي
وما تدري عن دمعا نثرته وانا ارجيك

اسال جميع الناس وش صار عنـي
اسال وش اللي صار في حال مغليك

لوعلموك وش كثر همـي وحزنـي
من يوم حبي انتهى وصار ماضيـك

لو علموك عن قلبـي اللـي يونـي
مطعون يصـرخ يشتكيلـك يناديـك

لو عاش عاقل عيشتي كـان جنـي
حالي لو تشوفـه بعيونـك يبكيـك

صار الحزن هو لعبتي صـار فنـي
ابكي نـدم والله الـى حـل طاريـك

ضيقت صدر ويا الهمـوم اسكنتنـي
احكـي واكمـل ولا ماقلـت يكفيـك

اللي سمعتـه بسبتـك انـت جتنـي
عطيتني كرهك وانا الحـب معطيـك

ضاعت سنيني وانـا بالحـب أبنـي
قصوور وانهدت سبب فعلـت ايديـك

جاك الوفا والحـب والعشـق منـي
حتى الوله والشوق والصدق معطيك

قلبي وفالك وانـت قلبـك خدعنـي
خدعت قلب كـان بالحـب شاريـك

بكذب وخيانه وغدر قلبـك حضنـي
في وقت قلبي فيـه يسهـر يداريـك

ماكنت أظن قصـدك بحبـك تذلنـي
ذليتني من بعـد مامـت انـا فيـك

هذي حقيقة بعـض مامنـك جتنـي
وبعض اللذي اسقيتني انت با ايديـك

ماكنت ساكـت خايـف بـس لانـي
ميت بحبك ما أقدر ازعلك واشقيـك

حرّمت اقولك مـن محبتـك عطنـي
مادام غيري فـي محبتـه مرضيـك

ببعـد بعيـد واوعـدك مـا احنـي
ابشر اببعـد ومـع حبيبـك بخليـك

خلصت هرجي الحين ياموت خذنـي
تاركلـك الدنيـا بهـا الله يهنـيـك

واذا سأل في يوم انا انسـان عنـي
قله توفـى والسبـب طعـن بيديـك

منقول

[الذعذاع]

صح ذووووقك ياااقطر الندى
ابيااااااات جميله واحسااااااس رااااائع
ناااابع من القلب
لاعدمنا ذوووووقك الفريد يارب
تحياااااتي وبااااقااااتي

[ابو طلال الفيفي]

ماكنت ساكـت خايـف بـس لانـي
ميت بحبك ما أقدر ازعلك واشقيـك

*******************

انتقاء جميل

الله يعطيك العافيه

[نسمات نور]

صح ذوقك ياقطر الندى
ابياات جميله ونقل وإختياار أجمل
لا عدمنا هالطله الرائعه يارب
تقبل مني ارق التحايا واعذبها
نسمات نور

[ام الدانه]

الله عليك ياقطر الندى

صح الله السانك وسلم ذوقك يالغالية ابيات راااائعه وانتقاء اروع

لاتحرمينا جديدك بانتظارك يالغلا

تقبلي مروري

[المخلص]

الله ابيات رقيقه فعلا هزت كياني
سلم ذوقك ياقطر الندى
تقبلي مروري

[برق العارض]

صح لسانك ولسان شاعر القصيده .




عسى البارق اللي كن سحبه خشوم جبال
يعـــمّ الجـــزيــره كــلّــها ســهـل وجــبــالي

[بروق الرس]

ماشاء الله عليك
دااااااايم مبدعــــــــــه

[كمال البدور]

لكـن قبـل لاتاخـذ الـروح منـي
باسأل حبيبي كـم سـؤال واخاويـك

وشلـون قلبـك ياحبيبـي تركنـي
وتد ري بخفوقي كم له سنين هاويك

وماتدري بعـادك وصـدك ذبحنـي
وما تدري عن دمعا نثرته وانا ارجيك

موفقه اختي العزيزه في حسن الاختيار
روعه ، كلمات في الصميم
اشكرك جزيل الشكر
ولكي خالص ودي