موقف محرج ....وش احسن حل لهالضيف

[ابو فراس]

السلام عليكم ورحمة الله وبركاته

ما قد مر عليك يوم وبعد ما ضفيتوا العفش جاكم ضيف ولازم تقهونه
وش احسن حل لهالضيف
عطونا ارائكم
صار معي مرة ولحسن الصدف كان الحل قريب ولكن ما راح اقوله لين اشوف ارائكم وحلولكم يمكن احسن من حلي

[ابوشهاب]

قبل مانضف عفشنا الثلاجات نملاها يعني مقد مرت علي

[برج المراقبه]

ابد قله توي راجه هع
قله توني بطلع بس الجلسه معك احسن من الطلعه وقهوه وبعدين هو بيفهمها ...
قد مرتت علي بس عادي قهويت الرجال وماطول

[مهدي فواز]

انا راي والله احفظ قرشك الأبيض ليومك الأسود

[حمود الميموني]

اخوي احسن اصراحه بالواقع والمجامله ما تنفع وسوف يعذرك
اذا هو قريب مثل ولد عم اعزمه مرة ثانيه واكرمه

[برق العارض]

اذا صار قريب او تمون عليه قله وهو اذا كان انسان خفيف دم وواعي بيفهما حتى لو ماقلت له شي وبيمشي واذا قلط يمكن فيها خيره واذا صار ضيف ومبطي عنك مالك الا تنزل اغراضك وتقلطه وتقهويه وتقوم بواجبه والروحه خيرها بغيرها المشكله اذا صار ضيف ثقيل دم ودلخ وفاهمها بس لزقه هذي اللي مالها حل عليك بالصبر

[عاشق الفكسار]

بانتظار الحل اللي صار معك يا ابوفراس

[ولد عياد]

اكرم ضيوفكككككككككككككك

[القبطان]

عادي قله بطلع ومرتبط بموعد مع رجال
اما اذا كان الرجال جايك من بعيد وعاني لك الواجب تتعذر من اخوياك وتقعد معه وتقوم بواجبه واذا حبيت تعزم اخوياك عندك بالبيت يكون كسبت الطرفين
مشكور ابو فراس موضوع صريح ومفيد للجميع

[محمد آلحربي]

قوله يروح معاك