شرهتي ما تسند إلا على روس الرجـال=مالتفت لوجيـه بـرق العبـي وعبيّهـا

[رشيد الهديرس]

[align=center],



,




,




,




,






,


[poem=font="Simplified Arabic,5,#FF8300,bold,normal" bkcolor="#040400" bkimage="" border="none,4,#400000" type=0 line=0 align=center use=ex num="0,#400000"]
الهواجس تشعف القلب مع وقت الـزوال=وإن ضوا ليلي بقلبـي تشـب ضويّهـا
مع غروب الشمس تشرد بتفكيري لحـال=كنهـا تبحـث لمعنـي وانـا معنيّـهـا
وقعها مذهل يفـوق الحقيقـة والخيـال=لو بغيت اجحـد ضررهـا قويـاً كيّهـا
فالضماير جرحها جرح سيلٍ عقب سـال=منه غربـيّ المدينـة وصـل شرقيّهـا
ما أذكر إلا حنت البـل وهوبـال العيـال=فـوق قامـت عيلـمٍ مـا تكـف دليّهـا
من صلاة الفجر عمال لين أقفى الظـلال=والضوامي فوقهـا مـا بطـل مسنيّهـا
مير أنا شاعر وشعري ليا جالـه مجـال=أختلج فاقصـى ضلوعـي ورى محنيّهـا
القحت به بكرة الفكر من بعـد الحيـال=وأنجبـت غيـداً تباهـا بزيـن حليّهـا
فارسة لأحلام شاعـر يحـب الاعتـزال=كان مرضى ساحة الشعر وأشعل ضيّهـا
بس ما يطفي همومي وأجي مرتاح بـال=وأقبر أموات الهواجيس وأطـرد حيّهـا
لين أسج الرجل وادوج مع بيض العبـال=في مشاهـي هجمـةٍ يهتنـي طرقيّهـا
جل ذودٍ يشرح البـال ويغيـظ الرجـال=منه نـاسٍ لـو تبسـم يبـوس شفيّهـا
مارث الأسلاف يوم الرصاص اله اشتعال=والأصايـل عزلـت مـن ورا مركيّـهـا
أوله وإلا تواليـه مـن خشـم الريـال=شرهة الأسـوام مـا ينلحـق مشريّهـا
زينها وإن روحـت كـن ياكلهـا وكـال=تستخف عـن البسيطـة ويكثـر غيّهـا
كن فيها جفال لو كان مـا فيهـا جفـال=ليـن تركـب كلبوهـا علـى ركبيّـهـا
بكرةٍ فيها تشوق النظر فـي كـل حـال=بالغـلا بلـوى عظيمـة وانـا مبليّهـا
خشمها أرثم وأمها الطافحة صفرا الشمال=فاطرٍ فالصفر شـوده مـا يوجـد زيّهـا
راسهـا طافـح تقـول يتطـلّـع للهلال=فاهـقٍ فاعلـى حجبهـا مـرودم نيّهـا
وإن نهمها راعي الذود والمشوار طـال=فوق مردفة القصيصـة تـرص لحيّهـا
ساعـةٍ معهـا تنسيـك غربـال الليـال=كـل مـا داجـت ديـارٍ تهـول خليّهـا
رغبتي وإلا قناعة ضميـري راس مـال=اتقـرب جيّـد القـوم واتـرك سيّـهـا
واتعامل مع هل الطيب وافيـن الخصـال=وآخذ أريا طيب النـاس وأتـرك عيّهـا
شرهتي ما تسند إلا على روس الرجـال=مالتفت لوجيـه بـرق العبـي وعبيّهـا
وأتكيّف وأشرب الكيف من صفر الـدلال=وأمتثـل للشجـرة اللـي طويـلٍ فيّهـا
ما يفوز اللي عن الدين وأهل الدين مـال=والسعـادة نفـس مـن نالهـا وهنيّهـا[/poem]
قصيده قديمه من الارشيف للشاعر الكبير والقدير سلطان بن وسام الهاجري[/align]

[وجيه]

صح لسان الشاعر والله يعافيك

[الركام]

صح لسانك ولسان الشاعر
وشكرا لك على هذا الاختيار

[ستل جناحة]

يسلم الشاعر ....والى نقل القصيد يسلم الف مره

بمان الله

[سنا برقه]

صح لسانك ولسان قايلها

[احساس انسان]

صح لسان شاعرها وتسلم يمنى ناقلها...

يعطيك العافيه

[موج الصحراء]

مشكووووووووووووور