| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2010-10-12, 02:35 PM
|
|||
|
|||
يبه شلونك
بسم الله الرحمن الرحيم رحم الله غالينا وغاليكم يبه شلونك يبه شلونك...ملل هالكون من دونك .. يبه شلونك؟ وتمضي رحلةالدنيا.. بليا طلة عيونك..؟؟!! يبه شلونك ؟؟؟ وشلون المرض وياك بعد ماهدك بدنياك..عساها تغمض جفونك؟؟ تبي تدري عن احبابك ؟؟ عن عيون تغنابك ؟؟ عن قلوب دفنها الشوق...واذا جاها الغفا جابك ؟؟ يبه امي تخيلك دوم...تغني لك مع القمرا.. يبه واللي خذاك بيوم....خذا بنيتك بكرا.. خذا.. وياماخذا.. وياما..خذا ناس يحبونك يبه حنا صرنا كبار...توفقنا وتخرجنا... يبه ماعاد فيه صغار..يموج بهالزمن كل شي...  وحنا ماتموجنا..على ذاك العهد نسري... نبيع العمر والدنيا..ولا تخلف بنا ظنونك يبه شلونك ؟ تبي تدري عن اخباري ؟؟ عن افكاري وتذكاري ؟؟ اشيلك داخلي جمره وبعيون الحزن عبره تغرقني وتحرقني اشوفك نجمة تجبر ... مراعيها ...يراعيها... واشوفك للرجوله اسم..اذا شدّ الزمن تقسى... واحلم من معاني الحلم..احسك مقبل بكرى... وعيا لايجي بكرى !!يبه تذكر زمان مر؟؟ يبه تذكرمجالسنا ؟ مقلطنا ومجلسنا ؟ وحارتنا ومسجدنا ؟ يبه تذكر هدايا العيد؟ صلاة العيد؟ وبشت العيد؟ يبه تذكر سوالفنا ؟ لاجل هذا .. وكل هذا .. اقول اليوم يايبه ملل هالكون من دونك يبه وينك ؟؟ ولهت لنظره من عينك يبه وينك؟ اشوفه طوّل غيابك!!و من ودّاك ما جابك !! قالوا ما يدوم الزين !! ... و انا عندي امل للحين .. و لكني اعرفك وين !! يبه وينك ؟؟ عسى الداعي يبه بس خير ؟؟!! عساك بخير مداين تكرم لعينك ... بس ارجوك علمني علمني .. يبه وينك ؟؟ سألت امي عن رجوعك ولا كني أعرفك وين !!! و قالت ما يدوم الزين !!و انا عندي امل للحين في رجوعك !! يبه بس تكفى علمني متى رجوعك ؟؟ يبه بس تكفى علمني وش احلى من طلوع اثنين ؟؟ طلوع الشمس و طلوعك يبه وينك...؟؟ سألت امي غيابك طال ؟؟ ولا كنّي اعرفك وين !! و قالت مثل ما قالت حسافه ما يدوم الزين مع كل هذا صدقني انا عندي امل للحين !! سؤالي عنك يالوالد .. صار كما الموال و اشوفه طال ... والله طال .. حزين ... بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه .. يبه ارجوك علمني ... تشوف اللي انا اشوفه ؟؟ انا اشوفك نهار و ليل ... في وسط المجلس تصلي .. و تدعي الرب ييسرلي .. يبه .. ما عاد بي من حيل .. وين الحيل ؟؟ و انا اشوفك نهار و ليل .. مع اني ادري ما ترجع !! غريبه ... بعدها تدمع ... عيوني من هموم البين !! و ادري يبه مكانك وين !! ... مع َ هذا .. ارد و اسأل !! يبه .... وينك ؟؟ ولا كني اعرفك وين !! شبكت العشر في غيابك ... على راسٍ **اه الشيب .. و من وداك ... ما جابك .. و لا ادري وش يخبي الغيب !! ... و جرح ٍ عذب احبابك .... يبه ..عيّا يخف و يطيب !! يبه.. كل جرح في الدنيا .. مصيره بالدوا يلتم ... و لكن البلا من جرح .. نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!! ينزف ... بس بليّا دم.. و زاد الهم فوق الهم ... و دام انك يبه غايب ...  جروح الغيبه ماتلتم .. بس عندي امل للحين !! ... و لا كنّي اعرفك وين !! يبه .. ذكراك تفرحني ... في نفس الوقت تجرحني !! ... لا من جبت في طاريك ... دموعي غصب تفضحني ... يبه .. تذكر ليالي الصيف ؟؟ عرس الحي .. و رقص السيف ؟؟ و كرم قلبك معَ هالناس .. كل ٍ كان في بيتك ضيف .. الا يا حيف .... الا يا حيف .. يبه وينك ؟؟ تعال و شوف ... كبرنا مثل ما تمنيت ... درسنا كل ما حبيت .. نصلي مثل ما وصيت .. وندعيلك في كل ظروف .. يبه وينك ؟؟  تعال و شوف .. صحيح الدنيا ما ترحم.. تجرعنا التعب انواع ... و لكن الأمل ما ضاع و انا عندي امل للحين !! ... و لا كني اعرفك وين !! يبه تذكر شطانتنا ؟؟ انا و اخواني و اخواتي ... معانا عيال حارتنا .. نلعب في زوايا البيت .. يبه ... والله انا حنيت .. لذاك الوقت في وجودك ... الا يا ريت ... الا يا ريت ... ترجع .. يا يبه حنيت .. حزينه الشمس في غيابك .. و نفس الحزن في احبابك .. واخاف الشمس من حزني ..  تغيب و ما بعد تطلع !! .. يبه ارجع !! ... اذا لي خاطر في قلبك .. تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم .. لكن قلّت الحيله ... و يمكن من البطا ضاعت .. و قلنا يوم !! يبه سامحني بترخّص ... قبل ينشف حبر الأقلام .. كلامي بعده ما خلّص .. و لكن موعد الأحلام .. حان .. ولازم اوفي له.. بعدما ضاعت الحيله .. اشوفك والوعد باكر !! اذا فكّر يجي باكر ..!! .. و برجع اسألك وينك !! بس لازم تجاوبني .. ترى عندي امل للحين !! .. و لا كني اعرفك وين ..!! يبه شلونك ؟ ملل هالكون من دونك يبه شلونك؟ وتمضي رحلة الدنيا ... بليا طلة عيونك لاجل هذا ... وكل هذا ... اقول اليوم يابيي ملل هالكون من دونك
التعديل الأخير تم بواسطة فواز القاسم ; 2010-10-12 الساعة 03:24 PM |
|
#3
2010-10-12, 03:03 PM
|
||||
|
||||
|
بارك الله فيك وفي موضوعك الجميل ولو اني تعبت فيه لكن مايهم كل شيئ يهون عند رضاك اشكرك والوالد له قيمه كبيره عند الانسان ونصيحتى لمن له ابو على وجه الحياة ان يرعاه وينظر اليه ويلبى طلباته ولا يعصيه بل يقل له قولاً كريما كما وصانا الله سبحانه وتعالى على بر الوالدين فارع اباك واجلس بجانبه حتى يرضى الله عنك ويرضى هو عنك فقد ياتى يوم تدخل بيتك ولا تلاقى ابيك وانت قبل هذا تناديه وتسمع من حولك وبصوت عالى يبه يبه يبه يبه يبه يبه يبه يبه يبه يبه يبه يبه يبه وهو يرد عليك سم سم سم انا هنا فارع اباك لعل الله ان يرحمك واباك ولك تحيه من كل قلبى ابو حمد،،
|
|
#4
2010-10-12, 06:34 PM
|
||||
|
||||
|
الله يعطيك العافيه ع النقل الجميل
|
|
#5
2010-10-12, 07:09 PM
|
||||
|
||||
|
مشكور يافواز الله يعطيك العافيه
|
|
#6
2010-10-12, 07:57 PM
|
|||
|
|||
|
يخوننا التعبير لو بغينا نتكلم عن الأب ومنزلته , مشكور فواز الرياض
|
|
#7
2010-10-12, 10:57 PM
|
|||
|
|||
|
مهما سعينا لرضاء الوالدين لن نوفيهم حقهم فرحم الله والدينا ووالديكم وجميع المسلمين وجعلنا من البارين بهم مشكور اخوي فواز الرياض على المشاركه الجميله والتذكير بحقوق الوالدين
|
|
#8
2010-10-13, 09:30 AM
|
||||
|
||||
|
عافاك الله على الموضوع الجميل
|
|
#10
2010-10-13, 10:05 AM
|
|||
|
|||
|
الله يعطيك العافية
|
|
|
|
العرض العادي
