الحــــزنَ كنه جــد والعـرق دسـاس

[روح آلوفآ]

السلآم عليكم ورحمة الله وبركآته

يسعد مسائكم / صباحكم
وكل آوقآتكم

.
.

هذا السهر ماورّد لِ عيني نعاس
........................ احس هذا الليل طاغي / بِ طوله

تعبت امشّي مابقالي من الياس
........................ اجر خطواتي / ابيها عجوله

الحزن خلاني مع ضلوع يبّاس
........................ الـهم باقي / والصواديف حوله

الصمت قالوا انه اغلى من الماس
........................ واشوفهم عند الحكي / صفقوله

ياليل تبقى للمواقيت عساس
........................ لو ماعطاني هالسهر من حلوله

خلت المدينة واتلفت / للاجناس
........................ واقيس هم الشارع اللي مشوله

رحت اتنشد عن دفا الوقت /جلاس
........................ لقيت سيف الوقت يقرع / طبوله

صمت المدينة /والمباني / والاجراس
........................ واطفال ماعاشوا حياة الطفوله

ينام هذا الليل بعيون / حراس
........................ ويصحى بعين المقبلات / الخجوله

اصبحت كني شيخ ولّي على ناس
........................ وامسيت كني فاقد(ن) لّي حموله !

تخنقني العبرة / وانا اقول لاباس
........................ وارجع بتنهيييده عميقه زعوله

الحزن / كنه جد والعرق دساس
........................ والناس / كل الناس هذه عجوله

والوقت / يرسم هالزوايا بقرطاس
........................ وانا معي قرطاس وازريت اقوله

والشعر / هذا ماعرفته من الناس
........................ جاني مع اول هم ( نوّخ ) ذلوله !

كتبت فيه اللي عطاني من احساس
........................ ياما تنادمنا / واخذنا البطوله

والحر / سموه الاجاويد قرناس
........................ والبوم / يبقى بوم لو طبلوله

والصبر / قرّب ياصل حدود الافلاس
........................ والشوق/ ياصعبه يجيني ... بسهوله

والموت / يسرق مابقالي من انفاس
........................ ويروح معـه اللي نواه وينوله

ازمة مشاعر زايفة مالها ساس
........................ وازمة وفا / والله وازمة رجوله

مابالحزن _ رحمه _ ولافيه نوماس
........................ يقولها اللي عايش (ن) في فصوله

ياصاحبي / ياصاحبي / صاحب الناس
........................ يمكن تشوف اللي من اول اقوله

للرائع / طالب الحربي

[الركام]

الله اكبر ابيات حزينه وجميلة
صح لسنك ولسان الشاعر
نحتاج لهذا النوع احيانا بل اغلب الاوقت
شكرا لهذا الاختيار

[مهدي فواز]

تسلم أخي على الأبيات

[سنا برقه]

ابيات جميله صح لسانك

[روح آلوفآ]

آلركآمَ ،
صحَ بدنكَ ولآهنتَ على آلمرورِ آلطيبَ
لآعدمتَ توآجدكَ آلرآئعَ
لكَ كلَ آلشكرِ وآلودَ ، نورتَ

[روح آلوفآ]

مهديَ فوآزِ ،
آلله يسلمكَ يآربَ
ومشكورِ ع آلمرورِ

[روح آلوفآ]

محبَ آلسلآمَ ،
شكراَ لكَ على آلمروِرِ آلطيبَ
نورتَ ، لكَ شكريَ

[مدور الغيث]

أبيات جميلة . صح لسانك ولسان الشاعر .
مشكورة يا الذعذاعة.

[روح آلوفآ]

مدور الغيثَ

صحَ بدنكَ ، نورتَ بتوآجدكَ آلرآئعَ
لكَ كلَ آلشكرِ ،

[الذعذاع]

والشعر / هذا ماعرفته من الناس
........................ جاني مع اول هم ( نوّخ ) ذلوله !

وش ذا يالذعذااااااعه
وش هالزين
صح الله ذووووقك مدد بلا عدد
وصح الله لسان الشاعر
لاهنتي وبإنتظاااااار تحفك المميزه
ودي ووردي واحتراااااااماااااتي