قصيدة الضيف ورد المعزب

[ابو ناصر الشريف]

زار أحد الشعراء صاحبه فتأخر عليه في تقديم القهوه والقدوع فقال

جاك المسير مالقى منـك ترحيـب
ـــــــــــــــ لاجبت لـه قهـوه ولا مـن قدوعـي

ياليتني دورت غيـرك معازيـب
ـــــــــــــــ جيتك جويع ورحت منّك بجوعـي

الظاهر انك ماتعـرف المواجيـب
ـــــــــــــــ لاشك طبعك يختلف عن طبوعـي

حنّا لاجانا الضيف ننفض له الجيب
ـــــــــــــــ ونجيبله من كـل شكـلٍ ونوعـي

عاداتنا والرزق من عالـم الغيـب
ـــــــــــــــ هذا وانا ابخل واحدٍ مـن ربوعـي


فجاء صاحبه بالقدوع والقهوه وقال غاضبا


اقدع عسى يقدع على راسك الذيب
ـــــــــــــــ في خايعٍ مابه من الناس دوعـي

متعطـلٍ بالبـر قبلـي تناقيـب
ـــــــــــــــ من ليلة الجمعه ليـوم الربوعـي

ومروك ناسٍ غايب عنهم الطيب
ـــــــــــــــ وخلوك وحدك في مكانٍ يروعـي

ثم جاك ذيبٍ ماسنونـه بتركيـب
ـــــــــــــــ ذيبٍ ولد ذيبٍ وشـرس قطوعـي

سوّى بك سواةٍ على غير ترتيـب
ـــــــــــــــ يجزع لها قلب الشجاع البتوعـي

مرحوم ياعودٍ كسا راسه الشيـب
ـــــــــــــــ هنديته تـذرف عليـه الدموعـي

</B></I>



وسلامتكم

ملطوووووووووووووش لعيونكم !

[الركام]

مشكور على النقل والاختيار الجيد

[عبدالهادي المفرج التميمي]

هذي روووعه
ولكن نقصه البهارات وهي سبب تأخر القهوة
وكذلك بداية القصة
مشكوووور




سلام

[ولد عنيزة]

اعوذ بالله او الله ابيات تطنخ الراس خصوصا الرد الاول مشكور وماقصرت

[كابريس]

مشكور ابوناصر
ابيات رائعه وقويه

[ابو ناصر الشريف]

اشكركم جميعا على مروركم ولكم مني خالص الود والتقدير
ابو ناصر الشريف

[الذعذاع]

اقدع عسى يقدع على راسك الذيب
ـــــــــــــــ في خايعٍ مابه من الناس دوعـي

ههههههههههه
والله من جد زعلااااااااان
الله يعطيك العافيه على الاختيار الراااااائع
نسعد بجديدك اخوي

[مخلب طير]

يا حلو هاللطش يا بو ناصر لا صار بهالطريقه
الله لا يهينك يا الغالي اختيار جميل لا هنت

[خالد الحريبي]

الله الله
قصيده خطيره
مشكور يا ابوناصر

[مدور الغيث]

أبيات طريفة . شكراً لك.