| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2009-07-22, 11:18 AM
|
|||
|
|||
بلى كودو بلا هم الشيف رحال يقولك سم
السلام عليكم ورحمة الله وبركاته يالله حي اللي بالمطبخ كلهم طفرنا من كودو والمطاعم وقلنا فسر ذراعك وخل ننافسهم ونكسر سوقهم وين المطاعم عني يالله قدموا عروضكم ومدير أعمالي ينقي منهم هذي طبخه وحنا كشاته قلنا نتفنن على ربعنا إن جاهم تسمم ولآهم بالبر ولا أحد داري بس أشوى عدت على خير ترانا نتعلم ولا أحد يآخذ مقلب بنا بسم الله وعلى بركة الله المقادير ( دجاج فيليه + بصل + فلفل بارد + بهارات + صلصلة صويا خفيفه + صلصلة صويا حلوهـ ثقيلة + زيت زيتون + فلفل أسود مطحون + ملح ناعم + كاشتب + مايونيز + جبن شرائح + جبن سائل ) واللي يبي يضيف شيء أو ينقص شيء على كيفه وكلن ورغبته نبدى بالصور مع شرحهن للي يبي يطبق وحدهـ ثانيه توضح لكم أكثر والبصل مقطع والفلفل البارد برضوا نجهزهن نحمي الصاج ونحط الزيت همن نحط الدجاج بعد ما يحمى الزيت ونحرك الدجاج إلين يصير نصف إستواء بعد ما يكمل نصف إستواء نضيف البصل وبرضوا نحوق (أي تحرك) البصل مع الدجاج ونضيف صلصة الصويا الخفيفة عليهن ونحوقه ونحركه ونحركه وهمن نضيف الصلصة الحلوهـ الثقيلة من الصويا (بس لا يكثر منها) مجرد لتغير اللون والطعم اللذيذ وكمان بعد ما نحرك السابق نضيف الفلفل البارد والبهارات لا تنسون حقها والشكل هذا قبل الحوقه ونعود للكرهـ ونحوقهـ ولا بد من لذعة الفلفل الأسود وإذا قرب تنتهي تضيف الملح الناعم وحركه وحركه وحركه هاهـ كيف شكلها بعد التحريك والحوقان ومن قريب ليعكس لكم درجة الحمرهـ اللي فيها وقبل ما تخلص بقليل تضيف زيت الزيتون عصرهـ أولى إنتاج الجوف والمعلم الشيف ما حاتسيكم يتفنن بالحوقه والدفعه الأولى تم حشوها بنجاح تفضلوا يالله حييهم وعملية التحشية بعد ما يتم ملطها بالماينيز والجبن الشرائح أو السائل وكلهن على حسب الرغبة اللي ما يبي يعلمنا ما نحط له ماينيز او جبن والكشتب أو الكشطب أو الشكتب لا تنساهـ ودفعهـ ثانيه لحقونا بها إغراء راح سوق كودو مع هالشغل النظيف وعملية إخراجيه للساندويتش والسعابيل تقوطر أممممممممممم طاعوش وفرقعين جدي قضى اللي بالصاج ما درينا من زينه وبالهناء والشفاء واللي يبينا نطبخ له يكشتبنا ويزهل أمرهـ بالتفنن بالطبخات على الله تكون شهوتكم وجازت لكم وساحت لعابيبكم سؤال (كم كلمة تحوقه بالموضوع) هههههه والسلام عليكم ورحمة الله وبركاته كان معكم من أطايب البر / rhaal
|
|
#4
2009-07-22, 02:50 PM
|
|||
|
|||
|
الله الله وش هالإخراج والحركات عز الله إنها طبخة ما ذقت مثلها ما شاء الله تسلم الأيادي أبو صالح بس باقي صور ما طلعتهن صور أبو عبدالمحسن وهو يقطع الصامولي وصورك وأنت تاكل الكودو
|
|
#5
2009-07-22, 05:31 PM
|
||||
|
||||
|
يااااااااااااااه وش هالكودو المزيوووون  امممممممم  الف شكر لك اخوي على الكودو الرائع ونتمنى منك المزيد من الطبخات الكشاتيه  
|
|
#6
2009-07-23, 12:54 AM
|
||||
|
||||
|
عليكم بالعافيه اخوي ابو عمر
|
|
#7
2009-07-23, 01:52 AM
|
|||
|
|||
|
شاكر ومقدر لك مشاركتك اخوي
|
|
#8
2009-07-25, 11:15 AM
|
|||
|
|||
|
اقتباس:
الله يعافيك أخوي الساري ومن قال سالم وغانم وشاكر لك ومقدر المرور
|
|
#9
2009-07-25, 11:17 AM
|
|||
|
|||
|
اقتباس:
هلا بأخوي هونا هاهـ عساك لقيت تصبيرهـ والله يسلمك على الرد
|
|
#10
2009-07-25, 11:20 AM
|
|||
|
|||
|
اقتباس:
هلا أبو سارة أنت هقوتي شغلك تصوير وياغافل لك الله (أنا) كاديني والإخراج هذي شغلك وأنت اللي خليت شكل الطبخه مغري وباقي الصور خاصهـ عاد تبي شكلي وأنا آكل والمايونيز يتقوطر ههههههه شكرا لمرورك ابو يوسف
|
|
|
|
العرض العادي
