(نصيحة)

gharbi · 2007-01-03, 04:13 PM

نصيحـــــــــــــه

ضاعوا رجــــــال العرب ماعاد قادي * كـــلّ رجـــــــــــالً معه حرمـه تديره
و ان بـغى المسكين علمً بالـرشـادي * عيّت القشـــــــــرى تطـاوعه بمسيره
مـا تـلام البنــت لا لـقيــــت مـهـــادي * كـل مــــــا لفت دركســـونـه تديــره
و ان بغـت مخبــــاه ما لازم تنــــادي * اشّـرت ويجيه منهـــا قشعــــــــريره
مــــا عطاه الله ولــــو بعض العنادي * طايعً وأمره على طـــــــــول لوزيره
فرّغ المـزود ولا عــــــــــاد بـه زادي * وأعجزنّــــــــــه عن مواجيبً يسيره
الرجل يكـــــــرم ولا يرضى القيـادي * واحسوفـــــــــة من غدا هذا مصيره
مـــا يلام الشــــاب لا شاف المقادي * مثل ليـــث الغـــــاب فـالمجلس زئيره
ولادخل فـي البيت مثل البـس هادي * من خفوت الصوت مــــا تسمع هريره
مـــا يفيد العلـــــم والسّواق غـــادي * راكـــــــــــبً وكلـن دركسونه يديره
لابتي يــــــا عزوتي صيروا سيـادي * وأكبح الغلطه ولو كــــــانت صغيره
مــــا قصـــدت بقولتي هذي معادي * نــاصح والنصــح واجبـــنا نشــيـره
ولا أخـــــص بقولتي هذي حيـــادي * لابـد الرجّـــــــــال يصبـح فيـه غيره

قصيدة: عبيد الغربي[/]