| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2010-01-05, 10:59 PM
|
|||
|
|||
رحلتنا للصمان مافيه ربيع لكن فيه حبارى وتصحيح لبعض المعلومات(ابوالجازي)
بسم الله الرحمن الرحيم السلام عليكم ورحمة الله وبركاته حي الله اعضاء ومشرفين واداريين وزوار منتديات شبكة البراري في هذا الموضوع حبيت اعرض لكم بعض الصور الملتقطه في رحلتنا الاخيره للصمان صحيح مافيه ربيع لكن فيه حبارى وفيه تصحيح لبعض المعلومات نبدا بالصور الصورة الاولى صوره ليليه لمراحنا اول ليله  الصوره الثانيه صورة عقرب ومن المتعارف عليه ان خشاش الارض ومن ضمنها العقارب والديبان لاتخرج بالمربعانيه وهاهي العقرب صباح يوم الخميس الماضي لقيناها تحت الفرشه وهذي ليست الاولى  يوم اصبحنا وحرك بعض الشباب من المراح والبعض مازال باقي بالمراح ومطفين الجهاز(الكنود) وعلى مسافة 200 متر تقريبا من المراح يوم دخلت هاك الشغية الصغيره الا يوم قامت هاك الحبارى قدامي درج وبدون اثر وبداء الارتباك ازعق على الربع وما فيه الا واحد معي على الجهاز ويوم سمع ان فيه حبارى وهو يجيك طاير بين السماء والارض ويمر من عند الشباب بمراحنا وهو طاير وهو يصرخ عليهم (الحبارى الحبارى الحبارى) وهم يتناقزون على المواتر ويشغلون الاجهزه ويجون لمنا قريبين منهم ورى الحزم انا داري اني كثرت القرق لكن هذي صورة الحبارى وهي تبعد عن تقريبا 100 متر  طبعا ماكانت الكاميرا جاهزه كانت على الوضع الليلي والعدسه ليسة عدسة الزوم والبطاريه بالوقت الحرج خلصة (بس معي بطاريه احتياطيه) وصلوا الربع وتكاملوا كلهم وهدوا الطير وطيروها وكان علينا هوى صلف وقلع الحبارى والطير ونضيعهن ونجي على الجهاز ونلقى الطير ذابح الحبارى  والفرحه لاتوصف على الجميع وهذا انا وراعي الطير صوره تذكاريه مع الحبارى  طبعا وقفنا للمضحى والشباب الصغار معنا قاموا بالواجب وهذا احد الاشبال يصب القهوه (امير القوم خادمهم)  وهذي الصوره تبين الفرحه والوناسه على وجه شيخنا عبدالكريم  وهذا غدانا يوم الخميس مطازيز على لحمة تيس وفقع وكوسه  وهذي ام سالم  وهذي بومه وتسمى (البوّه) واكثر الصقاقير اذا ابطى عن الحبارى يهد طيره عليها  انتظر الله لايهينك باقي سبع صور بالموضوع
|
|
#2
2010-01-05, 11:07 PM
|
|||
|
|||
|
نكمل معكم باقي صور الرحله وهذي البومه وهي تطير  هذي الصوره فجر الجمعه ويبان فيها القمر  وثاني معلومه ان الكراوين تهاجر بالمربعانيه وغير صحيح اللي يقول انها ماتجي الا اول الشتاء واخره وتنقطع بالمربعانيه والمعلومه الثالثه اهديها لمحبي الكراوين وهي ان الكروان ولو كان الربيع مغطي الارض كلها لازم يحمض بالفطايس (الله يكرمكم) وهذي الصوره توضح كثرة جراير الكراوين عند الفطيس(تكرمون)  وهذي الدرجلانه او الدرج وفيه ناس يسمونه حجل صوره لها وهي تطير  وهذا احد الاشبال اللي معنا يلتقط صور علويه لمكان مضحانا يوم الجمعه  وهذي صورة النثريه لافضل رز بشاور على الاطلاق وهو بالكاتم وتظهر علوب الفلفل حق الخرج تغري بعض الناس   واختم بصورة السيوليت للابل  انتهى الموضوع بفضل الله ان اصبت فمن الله وحده وان اخطأت فمن نفسي والشيطان وتقبلوا وافر احترام وتقدير ومحبة اخوكم (ابوالجازي) (((بــدر الغــذّامي)))
|
|
#3
2010-01-05, 11:19 PM
|
|||
|
|||
|
موضوع مميز يستحق الاشاده
|
|
#4
2010-01-05, 11:20 PM
|
|||
|
|||
[glint] الله يعطيك العافيه يــــاذيب وتسلم يمناك على صور [/glint]
|
|
#6
2010-01-06, 12:01 AM
|
|||
|
|||
|
وعليكم السلام ورحمة الله وبركاته أبو الجازي يشار إلى مواضيعه بالبنان فلك وافر الشكر وأطيب التحايا (( منتدى البراري عطر المنتديات :msn-wink: ))
|
|
#7
2010-01-06, 03:29 AM
|
||||
|
||||
|
مشاء الله تقرير رائع
|
|
#8
2010-01-06, 09:18 AM
|
|||
|
|||
|
وعليكم السلام ورحمة الله وبركاته أبو الجازي المبدع والفنان والمميز عقب القهوة الفجر اتصل علي واحد من الأخوان يرتب لكشته ومع السواليف قال لي إن أبو الجازي منزل موضوع بالليل (كنت نايم) طبعاً <<< أدري تقول عني شايب وفجأة يطيح التلفون وأجيك مطفي النور وأخم بالباب كلهـ علشان بشوف موضوعك بالتأكيد كنت جازم بأنك لن تخيب ظني لأنك لن ترضى بالبسيط أخي القدير بدر لا عمرك تكشت====تطيح من عيني كشتاتي عدستك رائعهـ بروعة ضاغط الزر هرجي واجد / صح... ميخالف تحمل لين أصير أزين منك بالتصوير "أبطي عظم" والله يوفقكم لما يحبه ويرضاهـ >>>> تقل مقدم معروض دمتم بحفظ الله ورعايته
|
|
#9
2010-01-06, 09:50 AM
|
||||
|
||||
|
تسلم اخوي بدر على هذه التحف الرائعة صورك ومواضيعك دائما مميزه وسعدنا بانضمامك معنا في هذا المنتدى فلك مني جزيل الشكر اخوي بدر على ما تتحفنا به من صور ومواضيع رائعة كروعة صاحبها
|
|
|
|
العرض العادي
