940 لتبليغ عن المطاعم...

[مضيع]

بسم الله الرحمن الرحيم
السلام عليكم ورحمة الله وبركاته

تذكير لتبليغ عن مطاعم او بوفيات مخالفه اتصل على الرقم الطواري لصحه البيئه 940

مساله صارت أمس وقفت عند احد مطاعم الفلافل وأنا كنت انتظر الطلب
وقف راعي سيارة ونزل وطلب

الشاب سأل العامل السوري ليه لابس قفاز واحد جاوب السوري هذا اشتغل فيها وهذا أحاسب والعامل السوري وهو يتكلم

كان ماخذ الخبز بيده اللي بدون قفاز وحطه على الطاولة وقال الشاب وهو يضحك طيب ليه تمسك الخبز باليد اللي ما فيها قفاز السوري أنحرج وصار يبرر تبريرات مالها معنى وقال الشاب المفروض اللي يشتغل ما يحاسب يكون واحد ثاني

وأنا في ذيك اللحظة قلت فيه ذباب وخره عن الصواني وقال الشاب شف هذا زبون يقول عندك ذباب في المحل والعامل السوري شوي بيقوله مالك دخل تبي تأكل ولا اطلع برى والشاب طايح فيه
أسئلة المهم من ضمن الأسئلة اللي كان يسألها وهو يضحك سؤال حسيت السوري منجد بينفجر والسؤال هو ليه منت مغطي شعرك وراح الشاب من ورى الكاونتر يعني دخل عنده وارتسمت على وجه العامل علامةاستفهام وتعجب كبيره

وقال معك مفتش الصحة وتعال شوف وجه العامل من زود ماهو احمر من النار
يوم سمع كلمة مفتش الصحة صار وجهه
تقول طماطة وشهب وجهه في نفس الوقت المهم أن الرجال دخل المطبخ حقهم وصار يعطي الملاحظات وطلع واحد من العمال
مجروحة يده وقال لا أشوفك هنا إلا لما تعالج جرحك وسئل العامل الأول أبو وجه احمر مشهب عطني شهادتك الصحية قال ما معي قال اطلع برا أنت وياه
المهم شب فيهم لكن بأسلوب جداً مهذب وفيه نصح وقال أنا ما جيت هنا عشان استقعد كله عشان مصلحتكم ومصلحة الزبائن لو الواحد جاه تسمم أو أي مرض انتقل عن طريق العدوى راح يدعي عليكم

ويوم طلع الرجال قعدت اسولف وياه عن بعض المطاعم اللي تحتاج مراقبة فقال لا تتردد أي مطعم تشوف علية ملاحظة اتصل على 940 وعطهم اسم المطعم والشارع واترك الباقي عليهم وكان معه ورقة قال
شف هذي الورقة هذا اسم المطعم وتاريخ التبليغ والملاحظات اللي عليه وها أنا جيته وشفت وش صار بعينك

يا جماعة عليكم بكل مطعم أو بوفية أو مخبز أو غيره تجدون عليه ملاحظة تبلغون
أنا أول ما كنت مصدق فيه مفتشين أقول كلام فاضي ما فيه رقابة ولكن شفت بعيني ومن اليوم راح ابلغ عن أي مطعم عليه مخالفات

نقلتها لمصلحة الجميع

[الساري]

الله يعطيك العافية وتسلم على هذا النقل المفيد
وتم اضافة الرقم

[عاشقة الصواعق]

الف شكر لك اخوي مضيع

على المعلومة الرائعه والمهمه جدا جدا

وبنتظار روائعك ومشاركاتك الفعاله

:32::32::32:

[أعالي السحاب]

جزاك الله خير
موضوع أعجبني

[خالد الحريص]

يعطيك عافيه على الموضوع المميز

[حمود الميموني]

جزاك الله خير والله يعطيك العافيه وياليت كل واحد يشوف ملاحظه يبلغ عنها بسرعه حتى نتفادى الامراض والله يشافي الجميع من كل داء