رحلات الكمأ والصيد

[هنا القريات]

صور رحلات[الكمأ والفقع والصيد والمقانيص]من اللبه شمال الى الفرايس بالربع الخالي ج
..(موضوع اعجبني ونقلته لكم)






الربع الخالي في غضا ابا الفرايس
عام 2000م






هذا اللي يضيقي صدري
لكن اذا كانت تضايق البعض مثل هذه الصورة
اوقف عن انزال الصور المشابهه

dhari605
الله يعيدها من سنين جميلة
حتى القطا كان واجد وطعمة لذيذ وقت الربيع
والكمأ اللي بالصورة
لقط ثلاثة من الشباب وقت الضحى
كلن يقول انا اكثر
تحياتي

صورة معبره
لاخوي [دعيج] عندما كنا مغرزين في رباضة وننتظر بقية المجوعة
لمساعدتنا















القفر او الوشيق او المعلوق
سويناه بعد ما خلص الثلج علينا في نهاية الرحلة
يبونه بعض من الربع{الشيبان} يسونه مع المرقوق والمطزيز على الفقع
تحياتي


القطا الكدري والجوني امسيت عاقل واصبحت
مجنوني


معلومة
في الوقت الماضي كان الربع الخالي غير ممنوع
من الصيد او بالأصح غير متشددين عليه .الا في الجزء الجنوب الغربي
من الربع الخالي في محمية بني معارض.وكان الحاجز النفسي وطبيعة
الارض والمسافات الكبيره وعدم وجود البانزين واحياناً الماء والربضات
والعروق المخيفه جميعها كانت هي المانع الحقيقي.
وبعدين ما كان فيه احد يضايقك ولا فيه تفتيش اذا مرينا المراكز قالو الله
يقويكم .
كان فيه بساطه بالحياة وكان كل الشعب رجال امن










صورة خارج السعودية
كنا نمشي في شعيب العصر الا وقدامنا 11 وعل [ بدن ]
وطرحنا منهن اثنين
الوعل له ربشة غريبه يعني تضيع المراجل

[هنا القريات]

خارج السعودية

يا عرب جاكم الوسمي سحابه ثقيل..يا عسي الله يسوقه للبشر والحلال

جا من اقصي جنوب الغرب وقت المغيل..وجهته يم نجد الخير شرق بشمال

يوم هبت هبوبه بالنسيم العليل..إلتوى بالمحاني وارتطم بالجبال

محري للبراد وخاطري له يميل..وشبة النار والجلسه وصف الدلال

وشوفة البرق والشعبان عقبه تسيل..من شعيب الزبيره لين حيرا خثال

ثم يضفي على الصمان برق مثيل..ينثر الما على جيانها والتلال

تزهر فياضها بالعشب وقت طويل..ماحلا جلسة حدر السدر بالظلال

الشاعر
مخلب طير
{ دعيج }




يازين النشاط والشباب
هذا وعل رميناه من ضمن مجموعة وعول
واضطرينا نزله من فوق
تحياتي
















البنشر بالربع الخالي كان يتعبنا بسبب
شجرة الحاذ

اعذرني بيئتي يالحبيبه واسمحي... اعذريني لا خطيت او تعديت الحدود

غلطتي في ها الزمن داخلي ما تمحي...عاتبيني واجرحي للقنص ما عاد اعود

[هنا القريات]

لا تعليق



فلاح يقول لازم تصورني


ابو فهد مزبط مرقوق بالارانب
يقول يا ضاري لازم تقيمه
قلت له اكيد نسبة فوق
ههههههههههه



مقناص
الليفيه والصحن

الربع الخالي
بالماضي

[هنا القريات]

فل الحجاج وخل عنك الهواجيـس
كلـن يمـوت وحاجتـه ماقضاهـا


واعلم ترى الدنيا تجارب وتقييـس
مالك ومال الخلق تطلـب رضاهـا


خلك مع اللي يطلبـون النواميـس
وخل النفوس الضايعه فـي غثاهـا



لازم محلك فوق روس التضاريـس
مثل الصقورالعاليـه فـي سماهـا


ولاصارصدرك مثل حرالمحاميـس
دعـوه لربـك خـاب منهونساهـا



يكفيك من شر الليالـي المعابيـس
ويفـرج لنفسـك همهامـع عناهـا


واحذر مخاوى صاحب السو وابليس
واحذر من الرديان تمشـي معاهـا


ومن لااخـذ الدنيابقيـس وتقييـس
يحصد وياخذ زرعها مـن جناهـا


يطوى قلبه مثل طـي القراطيـس
ويجهل اموره صحها من خطاهـا


ولوتطلبه مـن غاليـات النوافيـس
والنفـس طماعـه وتتبـع هواهـا


ماتاخذ الا اللي كتـب رب بلقيـس
وماخـاب عبدطاعـة الله بغـاهـا


خلهاعليه وخل عنـك الوساويـس
يجلي عن النفس الضعيفـه شقاهـا



الشاعر
مخلب طير
دعيج

[دعيج]

سبب انزال هذا الموضوع
هو صاحب الصورة الشاعر [ مخلب طير ]
جاني يبي البر والمقناص قبل العيد .وانا منشغل
بعدها بكم يوم اعطاني قصيدتين من جديده الاوله ذكرتها بالصفحة 5
بصرحة مع المطر والوسم جدد جروحي
القصيدة الثانيه

لا زان راسي جيبو البن والهيل...لا فاح ريحه يقعد البن راسي

تلعب به الأفكارمع طلعة سهيل...ويجيه من حر الغرام احتباسي

ياخذني الهوجاس يم المداهيل...بارض قفر ما قد وطاها مداسي

ونولم الدله وبيض الفناجيل...مع صحبة من جل ربعي وناسي

ومحملين الجيب كل المعاميل...ننصا الصحاري والجبال الرواسي

حدر الغيوم المرعدات المخاييل..يشعق بها البارق تقول التماسي

نرجي على قرب الوسم شوفة السيل..وغب المطر للشمس انعكاسي

تحياتي





ابو سعود
{ سبع البحر }




مخلب طير

الفصول الإربعه

يانسيمً هب من نجد النسيم.....ويا صبا نجدً على الخاطر عليل

السنه اربع فصولً يا فهيم.....وكل فصلً فيه أنواء ودليييييل

وكل ذي علمً تر فوقه عليم......خالق الأكوان الرب الجليل

الشتا للبرد والصيف الجحيم.....والربيع أزهار والجو الجميل

والخريف امطار وعروق الهشيم..يعتدل جوهَ مع طلعة سهيل

ومع طلوع سهيل للهجره وسيم.. كل طيرً ما يفارق له خليل

دخل وصفار وانواعً جميم.....ومع دخول التاسع القمري يشيل

يبتدي عشره من الشهر التميم..ويكثر بعشرين وفروقه تخيل

اربعين ًمن سهيل وهو مقيم....ثم يتبعه الوسم خمسين ليل

المطر محمود والمنبت كريم...لاحبا الله ارضها خيراً وسيل

لا نزل فيه المطر واقواه ديم..بالرعد والبرق يسقيه المسيل

منبتتً للعشب لا وسم عظيم..عدهن سبعين يوماً له نشيل

وكثرته تسعين يومً مستديم...طعمته بالراس لو انه قليل

[الخلاسي والجبا] ولا تهيم..[والزبيدي والبلوخ] ماله مثيل

وفيه من نبت الوسم لون ونعيم..والخزامى والربل والحرف يميل

وهجرة الحباري بالليل البهيم..في شهر عشره توجه للمغيل

ترتجي دفوً وهي غضً شحيم..تتبع الحيا مع الغيث الهميل

الحباري مرتعه نجد النسيم..تدهل الصمَان والنفد الطليل

هي ثلاثه شهور وافهم يا غشيم..منوة القناص والطير الاصيل

الله اللي ساقها والله حكيم..سير الافلاك جيلً فوق جيل

والشتا يدخل بديسمبر نديم..يبتدي بالمربعانيه صليل

اوله محمود برعودً وغيم..اربعين أيامها والله وكيل

والقطا النجدي على الهجره يهيم..بالغفر في نص نوفنبر يكيل

بالفياض المعشبه والله عليم..في شمال المملكه يدهل دهيل

يتبعه كدري مع الجوني لميم..مع دخول اول شهر مع الاكليل

والشبط تتبع وهي بردً ذميم..النهار اقصر مع الليل الطويل

ست وعشرين تذكر بالصميم.. الحطب والكيف مع فنجال هيل

وشبت النيران والبال السليم..متعةً ماله على المتعه بديل

ثم نجمين العقارب في قسيم..ست وعشرين يوم اخر البرد الثقيل

والربيع العقرب الثالث خصيم..داخلً عشر وثلاث من الهليل

تنبت الاعشاب والروض الرخيم..والشجر يخضر في ضلً ضليل

والحلال يهيم بالعشب المديم..والربيع العيد للبدو الرحيل

وان ذكرت الصيف والحر الحميم..اخر نجوم الثريا له دليل

واربع نجومً بخطً مستقيم..كل ابوهن من ثلطعشر فصيل

التويبع عقبه الجوزاء غريم..عقبه المرزم ثم الكلبين ويل

ونجمً من سهيل مذكورً قديم..نلتمس بالليل تمرً من حويل

الله اللي حط زمزم والحطيم..سيَر نجوم السما راسً وذيل

الشاعر مخلب طير

[هنا القريات]

يا عرب جاكم الوسمي سحابه ثقيل..يا عسي الله يسوقه للبشر والحلال

جا من اقصي جنوب الغرب وقت المقيل..وجهته يم نجد الخير شرق بشمال

يوم هبت هبوبه بالنسيم العليل..إلتوى بالمحاني وارتطم بالجبال

محري للبراد وخاطري له يميل..وشبة النار والجلسه وصف الدلال

كل طير خذاله من جنيسه خليل..منوته بالربيع وفرحته بالخيال

وشوفة البرق والشعبان عقبه تسيل..من شعيب الزبيره لين حيرا خثال

ثم يضفي على الصمان برق مثيل..ينثر الما على جيانها والتلال

تزهر فياضها بالعشب وقت طويل..ماحلا جلسة حدر السدر بالظلال

الشاعر
مخلب طير
{ دعيج }


ضاري605
وابوسعود معه سكين مسميها ام الظبا ما يذكي الا فيها
ولا يترك احد غيره يستعملها ولا تستعمل الا للظبا فقط
تحياتي



الصورة اللتقطت بالربع الخالي جنوب بئرفيصل
بعد ليلة مطيره
والربع جالسين يسون القرص فطور قبل التحرك
لمواصلة المسير لغضاء ابا الفريس وطويل الخطام






ضاري



من تصويري
جبال حجلا








هذا ما هو طلح
سيال شبيه للطلح
من شعبان جبال حجلا

[أبو ريم]

الله من أياااام مضت

بااارك الله فييييك

على النقل,,,

تحيااااتي..

[سليمان المحمد]

ماشاء الله تبارك الله
عبق الماضي ذو نكهه خاصة لا مثيل لها

شكرا لك اخي ابو خالد على النقل الموفق

[ابو طلال الفيفي]

رحلة طيبة ..
احسنت الاختيار .
بارك الله فيك اخي الكريم

[مرقاب الشرق]

نقل واختيار موفق مشكور.

تحياتي

[ابو زياد]

مشاء الله تبارك الله
رحله ممتعه من جد الله يعطيك الف عافيه