جتني رساله

[راع العرض]

جتني رساله صاحبي تال الليل
حفظتها بالضبط مثل الوداعه

وليا وصلني من رفيقي مراسيل
عندي على بدع القصيد استطاعه

ياهادي الدنيا مامنها محاصيل
والله يغنينا بثوب القناعه

وآمنت باللي منزل الكتب تنزيل
واقرى كتاب الله وأحب لسماعه

واحرص على مجلاس بعض الرياجيل
وعندي عن مجالس بعضهم مناعه

واستغفر الله من هل القال والقيل
بضاعةٍ يالعنبوها بضاعه

احيان ودي بواحد من سرائيل
ولا أتقرب من كثير الجماعه

تمت وراع الكيف شرب الفناجيل
مطبوعه وحفضت حقوق الطباعه

راع العرض