يمه فقدة اليوم طلت معاليك

[عبدالمحسن الرحمه]

يمه فقدت اليوم طلة معاليك
وضاقت بي الدنيا سبايب غيابك

يمه ترى قلبي يحبك ويغليك
لامرني طيفك أنادي هلابك

راحت خفوقي يوم أقبل مواطيك
أسعد ليا مني ألبي جوابك

ياجنة الدنيا وليدك مسميك
ياالله عسا ربي يداوي صوابك

عسى السلامه طول عمرك تباريك
يشفيك خالقنا ويرجع شبابك

قلب اولدك يالغاليه دوم يدعيك
مثل العسل يوم إني أسمع خطابك

لو طفت بك وسط الحرم مانجازيك
ألذ لحظه قلت وقت اللقا بك

الله يشكر يالحبيبه مساعيك
يجزيك عني خير يجزل ثوابك

من زود حبك قلت يايوه لبيك
لعل رب البيت يمن كتابك